Hum se Musa ne bayan kiya , kaha hum se Abu Awanah ne bayan kiya , in se Mansoor ne , in se Ibrahim ne , in se Aswad ne aur in se Aisha razi Allahu anha ne ke Bareera ko unhon ne aazad karne ke liye khareedna chaha lekin in ke maalkon ne apne walaa ki shart laga di Aisha razi Allahu anha ne kaha ya Rasool Allah! Main ne aazad karne ke liye Bareera ko khareedna chaha lekin in ke maalkon ne apne liye in ki walaa ki shart laga di hai . Nabi Karim salla Allahu alaihi wasallam ne farmaya ke unhein aazad kar de , walaa to aazad karne wale ke saath qaim hoti hai . Bayan kiya ke phir main ne unhein khareeda aur aazad kar diya aur main ne Bareera ko ikhtiyar diya (ke chahein to shohar ke saath reh sakti hain warna alaihida bhi ho sakti hain) to unhon ne shohar se alaihidgi ko pasand kiya aur kaha ke mujhe itna itna maal bhi diya jaye to main pehle shohar ke saath nahi rahoon gi . Aswad ne bayan kiya ke in ke shohar aazad thay . Aswad ka qaul munqati hai aur Ibn Abbas razi Allahu anhuma ka qaul sahih hai ke main ne unhein ghulam dekha .