Hum se Usman Bin Abi Shaiba ne bayan kiya, kaha hum se Jarir ne bayan kiya, un se Mansoor ne, un se Ibrahim ne, un se Aswad ne aur un se Aisha (Radi Allahu Anha) ne bayan kiya ke Barira (Radi Allahu Anha) ko mein ne khareeda to un ke malikon ne wala ki shart lagayi (ke azadi ke baad wo unhein ke haq mein qaim rahe gi) mein ne Rasul Allah (Sallallahu Alaihi Wasallam) se is ka zikar kiya to Aap (Sallallahu Alaihi Wasallam) ne farmaya tum unhein azad kar do, wala to usi ki hoti hai jo qeemat de kar kisi ghalam ko azad kar de. Phir mein ne unhein azad kar diya. Phir Nabi Kareem (Sallallahu Alaihi Wasallam) ne Barira (Radi Allahu Anha) ko bulaya aur un ke shohar ke silsile mein unhein ikhtiyar diya. Barira ne kaha ke agar wo mujhe falan falan cheez bhi dein tab bhi mein is ke paas na rahoon gi. Chunanchay wo apne shohar se juda ho gayein
.