Hum se Adam bin Abi Iyas ne byaan kiya ‘ kaha ke hum se Shubah ne byaan kiya ‘ kaha ke hum se Hakam bin Utbah ne byaan kiya ‘ un se Ibrahim Nakh'ee ne ‘ un se Aswad ne aur un se Aisha razi Allahu anha ne ke in ka irada hua ke Barirah razi Allahu anha ko (jo baandi thin) aazad kar dene ke liye khareed lein . Lekin is ke asal maalik yeh chahte thay ke walaa unhein ke liye rahe . Is ka zikr Aisha razi Allahu anha ne Nabi Karim salla Allahu alaihi wasallam se kiya . To Aap salla Allahu alaihi wasallam ne farmaya ke tum khareed kar aazad kar do ‘ walaa to isi ki hoti hai ‘ jo aazad kare . Unhon ne kaha ke Nabi Karim salla Allahu alaihi wasallam ki khidmat mein gosht pesh kiya gaya . Maine kaha ke yeh Barirah razi Allahu anha ko kisi ne sadqa ke taur par diya hai to Aap salla Allahu alaihi wasallam ne farmaya ke yeh in ke liye sadqa tha . Lekin ab hamare liye yeh hadiya hai .