Hum se Hassan Bin Abi Abbad ne bayan kiya, kaha ke hum se Hammam ne bayan kiya, kaha ke mein ne Nafay se suna, wo Abdullah Bin Umar (Radi Allahu Anhuma) se riwayat karte thay ke Aisha (Radi Allahu Anha), Bareerah (Radi Allahu Anha) ki (jo bandi theen) qeemat laga rahi theen (taake unhein khareed kar azad kar dein) ke Nabi Kareem (Sallallahu Alaihi Wasallam) namaz ke liye (masjid mein) tashreef le gaye. Phir jab Aap (Sallallahu Alaihi Wasallam) tashreef laye to Aisha (Radi Allahu Anha) ne kaha ke (Bareerah Radi Allahu Anha ke malikon ne to) apne liye wala ki shart ke baghair unhein bechne se inkar kar diya hai. Is par Nabi Kareem (Sallallahu Alaihi Wasallam) ne farmaya ke wala to isi ki hoti hai jo azad kare. Mein ne Nafay se poocha ke Bareerah (Radi Allahu Anha) ke shohar azad thay ya ghulam, to unhon ne farmaya ke mujhe maloom nahi
.