Hum se Abu-al-Yaman ne bayan kiya, kaha humei Shuaib ne khabar di, unhein Zuhri ne, un se Urwah Bin Zubair (Radi Allahu Anhu) ne bayan kiya aur un se Aisha (Radi Allahu Anha) ne bayan kiya ke Rasul Allah (Sallallahu Alaihi Wasallam) tashreef laye to mein ne Aap (Sallallahu Alaihi Wasallam) se (Bareerah Radi Allahu Anha ke khareedne ka) zikr kiya. Aap (Sallallahu Alaihi Wasallam) ne farmaya tum khareed kar azad kar do. Wala to isi ki hoti hai jo azad kare. Phir Aap (Sallallahu Alaihi Wasallam) minbar par tashreef laye aur farmaya ”Logon ko kya ho gaya hai ke (khareed-o-farokht mein) aisi shartien lagate hain jin ki koi asal Kitab-ul-Lah mein nahi hai jo shakhs bhi koi aisi shart lagaye ga jis ki asal Kitab-ul-Lah mein na ho wo shart baatil ho gi. khwah sau shartien hi kyun na laga le kyunke Allah hi ki shart haqq aur mazboot hai (aur isi ka aitbar hai).“
.