Umar razi Allahu anhune kaha ke jo larka para hua mile aur is ke maan baap na maloom hon to woh aazad ho ga .

Hum se Hafs bin Umar ne bayan kiya , kaha hum se Shubah ne bayan kiya , in se Hakam ne , in se Ibrahim ne , in se Aswad ne aur in se Aisha razi Allahu anha ne bayan kiya ke main ne Bareera razi Allahu anha ko khareedna chaha to Rasool Allahsalla Allahu alaihi wasallam ne farmaya ke unhein khareed le , walaa to is ke saath qaim hoti hai jo aazad kar de aur Bareera razi Allahu anhuko ek bakri mili to Nabi Karim salla Allahu alaihi wasallam ne farmaya ke yeh in ke liye sadqa thi lekin hamare liye hadiya hai . Hakam ne bayan kiya ke in ke shohar aazad thay . Hakam ka qaul mursal manqool hai . Ibn Abbas razi Allahu anhuma ne kaha ke main ne unhein ghulam dekha thu .