Aur Allah Azza wa Jalla ka yeh farmaan ke "hum ne bila-shubha (aye Muhammad Sallallahu Alaihi Wasallam) Aap ki taraf wahi ka nuzool usi tarah kiya hai jis tarah Nooh (Alaihissalam) aur un ke baad aane waale tamaam nabiyon ki taraf kiya tha."

Hum ko Humaidi ne yeh Hadees bayan ki , unhon ne kaha ke hum ko Sufyan ne yeh Hadees bayan ki , woh kehte hain hum ko Yahya bin Sa’eed Ansaari ne yeh Hadees bayan ki , unhon ne kaha ke mujhe yeh Hadees Muhammad bin Ibrahim Taymi se hue . unhon ne us Hadees ko Alqamah bin Waqqas Laithi se suna , un ka bayan hai ke main ne Masjid-e-Nabwi main mimbar Rasool Sallallahu Alaihi Wasallam par Umar bin Khattaab Radhiallahu Anhu ki zabaan se suna , woh farmaa rahe the ke main ne janab Rasoolulllah Sallallahu Alaihi Wasallam se suna aap Sallallahu Alaihi Wasallam farmaa rahe the ke tamaam a’maal ka daar-o-madaar niyyat par hai aur har amal ka nateeja har insaan ko us ki niyyat ke mutabiq hi milega . pas jis ki hijrat (tark watan) daulat duniya karne ke liye ho ya kisi aurat se shaadi ki gharz ho . pas us ki hijrat un hi cheezon ke liye hogi jin ke karne ki niyyat se us ne hijrat ki hai .