Hum se Qutaybah bin Saeed ne bayan kiya , kaha hum se Jareer ne bayan kiya , in se Aamash ne , in se Ibrahim Taymi ne , in se in ke walid ne bayan kiya ke Ali razi Allahu anhune batlaya ke hamare paas koi kitab nahi hai jise hum parhein , siwa Allah ki kitab Quran ke aur is ke alawa yeh saheefa bhi hai . Bayan kiya ke phir woh saheefa nikala to is mein zakhmon (ke qisas) aur oonton ki zakat ke masail thay . Rawi ne bayan kiya ke is mein yeh bhi thu ke Ayr se Sawr tak Madinah haram hai jis ne is deen mein koi nayi baat paida ki ya nayi baat karne wale ko panah di to is par Allah aur farishton aur insaanon sab ki lanat hai aur Qayamat ke din is ka koi naik amal maqbool na ho ga aur jis ne apne maalkon ki ijazat ke baghair doosre logon se moolaat qaim kar li to is par farishton aur insaanon sab ki lanat hai , Qayamat ke din is ka koi naik amal maqbool na ho ga aur Musalmanon ka zimma (qaul o qarar , kisi ko panah dena waghaira) ek hai . Ek adna Musalman ke panah dene ko bhi qaim rakhne ki koshish ki jaye gi . Pas jis ne kisi Musalman ki di hui panah ko tora , is par Allah ki, farishton aur insaanon sab ki lanat hai Qayamat ke din is ka koi naik amal qabool nahi kiya jaye ga .