Hum se Muhammad Bin Musanna ne bayan kiya, kaha hum se Abdul Wahab ne bayan kiya, kaha ke mujhe Bashir Bin Yasar ne khabar di aur unhein Suwaid Bin Numan ne khabar di ke Khaibar ki jung ke mauqe par wo Nabi Kareem (Sallallahu Alaihi Wasallam) ke sath gaye thay. Jab lashkar maqaam-e-Sahba par pahuncha jo Khaibar ka nishebi ilaqa hai to logon ne asr ki namaz parhi aur Nabi Kareem (Sallallahu Alaihi Wasallam) ne khana mangwaya. Nabi Kareem (Sallallahu Alaihi Wasallam) ke paas sattu ke siwa aur koi cheez nahi layi gayi aur hum ne wahi sattu khaya aur piya. Is ke baad Nabi Kareem (Sallallahu Alaihi Wasallam) khare hue aur Aap (Sallallahu Alaihi Wasallam) ne kulli ki. Hum ne bhi kulli ki aur namaz parhi
.

Hum se Abdullah bin Yousuf ne bayan kiya, unhon ne kaha hamein Imam Malik ne Zaid bin Aslam se khabar di, woh Ata bin Yasaar se, woh Abdullah bin Abbas Radhiallahu Anhuma se naql karte hain ke Rasoolullah Sallallahu Alaihi Wasallam ne bakri ka shaana khaaya. Phir Namaz padhi aur Wuzu nahi kiya.

Hum se Yahya bin Bukair ne bayan kiya, kaha hamein Laith ne Uqail se khabar di, woh Ibn-e-Shihaab se riwayat karte hain, unhein Ja’far bin ’Amr bin Umaiyah ne apne baap ’Amr se khabar di ke unhon ne Rasoolullah Sallallahu Alaihi Wasallam ko dekha ke Aap Sallallahu Alaihi Wasallam bakri ke shaane se kaat kaat kar khaa rahe the, phir Aap Sallallahu Alaihi Wasallam Namaz ke liye bulaaye gaye to Aap Sallallahu Alaihi Wasallam ne churi daal di aur Namaz padhi, naya Wuzu nahi kiya.

Hum se Abdullah bin Yousuf ne bayan kiya, unhon ne kaha mujhe Imam Malik ne Yahya bin Sa’eed ke waaste se khabar di, woh Bushair bin Yasaar Bani Haarisa ke aazaad kardah ghulam se riwayat karte hain ke Suwaid bin No’man Radhiallahu Anhu ne unhein khabar di ke fatah-e-Khaibar waale saal woh Rasoolullah Sallallahu Alaihi Wasallam ke saath Sahba ki taraf, jo Khaibar ke qareeb ek jagah hai pahunche. Aap Sallallahu Alaihi Wasallam ne Asr ki Namaz padhi, phir naashta mangwaaya gaya to siwaaye sattu ke aur kuch nahi laaya gaya. Phir Aap Sallallahu Alaihi Wasallam ne hukm diya to woh bhigo diye gaye. Phir Rasoolullah Sallallahu Alaihi Wasallam ne khaaya aur hum ne (bhi) khaaya. Phir Maghrib (ki Namaz) ke liye khade ho gaye. Aap Sallallahu Alaihi Wasallam ne kulli ki aur hum ne (bhi) phir Aap Sallallahu Alaihi Wasallam ne Namaz padhi aur naya Wuzu nahi kiya.

Hum se Asbagh ne bayan kiya, kaha mujhe Ibn-e-Wahb ne khabar di, kaha mujhe ’Amr ne Bukair se, unhon ne Kuraib se, un ko Maimunah Radhiallahu Anha zauja-e-Rasoolullah Sallallahu Alaihi Wasallam ne batlaaya ke Aap Sallallahu Alaihi Wasallam ne un ke yahan (bakri ka) shaana khaaya phir Namaz padhi aur naya Wuzu nahi farmaaya.

Hum se Khalid bin Makhlad ne bayan kiya, unhon ne kaha hum se Sulaiman ne bayan kiya, unhon ne kaha mujhe Yahya bin Sa’eed ne khabar di, unhein Bushair bin Yasaar ne khabar di, unhon ne kaha mujhe Suwaid bin No’man Radhiallahu Anhu ne batlaaya unhon ne kaha ke hum Khaibar waale saal Rasoolullah Sallallahu Alaihi Wasallam ke hamraah jab Sahba mein pahunche to Rasoolullah Sallallahu Alaihi Wasallam ne hamein Asr ki Namaz padhaayi. Jab Namaz padh chuke to Aap Sallallahu Alaihi Wasallam ne khaane mangwaaye. Magar (khaane mein) sirf sattu hi laaya gaya. So hum ne (usi ko) khaaya aur piya. Phir Rasoolullah Sallallahu Alaihi Wasallam Maghrib ki Namaz ke liye khade ho gaye. To Aap Sallallahu Alaihi Wasallam ne kulli ki, phir hamein Maghrib ki Namaz padhaayi aur (naya) Wuzu nahi kiya.

Hum se Abdul Aziz bin Abdullah ne byaan kiya , kaha ke hum se Ibrahim bin Saad ne Saleh bin Kaysan se byaan kiya , unhon ne Ibn Shihab se , unhon ne kaha ke mujh ko Jafar bin Amr bin Umayyah ne khabar di ke un ke baap Amr bin Umayyah ne byaan kiya ke main ne Rasool Allah salla Allahu alaihi wasallam ko dekha ke Aap salla Allahu alaihi wasallam bakri ki raan ka gosht kaat kaat kar kha rahe thay . Itne mein Aap salla Allahu alaihi wasallam namaaz ke liye bulaye gaye Aap salla Allahu alaihi wasallam kharay huay aur chhuri daal di , phir Aap salla Allahu alaihi wasallam ne namaaz parhayi aur wuzu nahi kiya .

Hum se Abdul Aziz Bin Abdullah ne bayan kiya, kaha mujh se Ibrahim Bin Saad ne bayan kiya, un se Ibn Shihab ne, un se Jafar Bin Amr Bin Umayyah ne aur un se un ke walid ne bayan kiya ke mein ne Nabi Kareem (Sallallahu Alaihi Wasallam) ko dekha ke aap (Sallallahu Alaihi Wasallam) shane ka gosht (chhuri se) kaat kar kha rahe thay, phir namaz ke liye azan hui to aap (Sallallahu Alaihi Wasallam) ne namaz parhi lekin wudu nahi kiya. Hum se Abul Yaman ne bayan kiya, kaha hum ko Shuaib ne khabar di aur unhein Zuhri ne (is riwayat mein) ye ziyadati bhi maujood hai ke (jab aap (Sallallahu Alaihi Wasallam) namaz ke liye bulaye gaye to) aap (Sallallahu Alaihi Wasallam) ne chhuri daal di
.

Hum se Muhammad Bin Bashar ne bayan kiya ‘ kaha hum se Ibn Abi Adi ne ‘ in se Shuba ne in se Yahya Bin Saeed ne ‘ in se Bushir Bin Yasar ne aur in se Suwaid Bin Numan Radi Allahu Anhu ne bayan kiya ‘ wo Baiat-e-Rizwan mein shareek thay ke goya ab bhi wo manzar meri aankhon ke samne hai jab Rasul Allah Sallallahu Alaihi Wasallam aur Aap ke sahaba (Radi Allahu Anhum) ke samne sattu laya gaya. Jise in hazrat ne piya. Is riwayat ki mutabiat Muaz ne Shuba se ki hai
.

Hum se Abdullah Bin Maslama ne bayan kiya ‘ in se Imam Malik Rahimahullah ne ‘ in se Yahya Bin Saeed ne ‘ in se Bushir Bin Yasar ne aur unhein Suwaid Bin Numan Radi Allahu Anhu ne khabar di ke Ghazwa Khaibar ke liye wo bhi Rasul Allah Sallallahu Alaihi Wasallam ke sath nikle thay. (Bayan kiya) jab hum maqam-e-Sahba mein pahunche jo Khaibar ke nasheeb mein waqe hai to Nabi Kareem Sallallahu Alaihi Wasallam ne Asar ki namaz parhi phir Aap ne tosha-e-safar mangwaya. Sattu ke siwa aur koi cheez Aap ki khidmat mein nahi layi gayi. Wo sattu Aap ke hukm se bhigoya gaya aur wahi Aap ne bhi khaya aur hum ne bhi khaya. Is ke baad maghrib ki namaz ke liye Aap kharay hue (chunchke wudhu pehle se maujood tha) is liye Nabi Kareem Sallallahu Alaihi Wasallam ne bhi sirf kulli ki aur hum ne bhi ‘ phir namaz parhi aur is namaz ke liye naye sire se wudhu nahi kiya
.

Hum se Ali bin Abdullah Madini ne bayan kiya , kaha hum se Sufyan bin Uyaynah ne bayan kiya kaha Yahya bin Saeed Ansari ne bayan kiya , unhon ne Basheer bin Yasar se suna , kaha ke hum se Suwayd bin Numan razi Allahu anhu ne bayan kiya ke hum Rasool Allah salla Allahu alaihi wasallam ke saath Khaibar ki taraf (san 7 Hijri mein) nikle jab hum Maqam e Sahba par pahunche . Yahya ne bayan kiya ke Sahba Khaibar se dopahar ki raah par hai to is waqt Nabi Karim salla Allahu alaihi wasallam ne khana talab farmaya lekin sattu ke siwa aur koi cheez nahi layi gayi , phir hum ne isi ko sookha phaank liya . Phir Nabi Karim salla Allahu alaihi wasallam ne pani talab farmaya aur kulli ki , hum ne bhi kulli ki . Is ke baad Aap ne hamain Maghrib ki namaz parhayi aur wuzu nahi kiya (Maghrib ke liye kyunke pehle se ba-wuzu thay) . Sufyan ne bayan kiya ke main ne Yahya se is hadees mein yun suna ke Aap ne na sattu khate waqt wuzu kiya na khane se farigh ho kar .

Hum se Sulayman bin Harb ne bayan kiya , kaha hum se Hammad ne bayan kiya , in se Yahya bin Saeed Ansari ne , in se Basheer bin Yasar ne , unhein Suwayd bin Numan razi Allahu anhu ne khabar di ke woh Nabi Karim salla Allahu alaihi wasallam ke saath Maqam e Sahba mein thay . Woh Khaibar se ek manzil par hai . Namaz ka waqt qareeb tha to Nabi Karim salla Allahu alaihi wasallam ne khana talab farmaya lekin sattu ke siwa aur koi cheez nahi layi gayi . Aakhir Nabi Karim salla Allahu alaihi wasallam ne is ko phaank liya aur hum ne bhi phaanka phir Aap salla Allahu alaihi wasallam ne pani talab farmaya aur kulli ki . Is ke baad Aap salla Allahu alaihi wasallam ne namaz parhayi aur hum ne bhi Aap ke saath namaz parhi aur Aap ne (is namaz ke liye naya) wuzu nahi kiya .

Ayub aur Aasim se riwayat hai , in se Ikrimah ne aur in se Ibn Abbas razi Allahu anhuma ne bayan kiya ke Nabi Karim salla Allahu alaihi wasallam ne pakti hui handiya mein se adhkachi booti nikali aur usay khaya phir namaz parhayi aur naya wuzu nahi kiya .

Hum se Abu al-Yaman ne bayan kiya , kaha hum ko Shuayb ne khabar di , in se Zuhri ne bayan kiya , unhein Jafar bin Amr bin Umayyah Damri ne khabar di , unhein un ke walid Amr bin Umayyah razi Allahu anhu ne khabar di ke unhon ne Nabi Karim salla Allahu alaihi wasallam ko dekha Aap apne hath se bakri ke shaane ka gosht kaat kar kha rahe thay , phir Aap salla Allahu alaihi wasallam ko namaz ke liye bulaya gaya to Aap ne gosht aur woh chhurri jis se gosht ki booti kaat rahe thay , daal di aur namaz ke liye khare ho gaye , phir Aap salla Allahu alaihi wasallam ne namaz parhi aur Aap ne naya wuzu nahi kiya (kyunke Aap pehle hi wuzu kiye huay thay) .

Hum se Muhammad bin Muqatil ne bayan kiya , kaha hum ko Abdullah ne khabar di , kaha hum ko Mamar ne khabar di , unhein Zuhri ne , unhein Jafar bin Amr bin Umayyah Damri ne , unhein un ke walid ne , unhon ne bayan kiya ke main ne dekha ke Rasool Allah salla Allahu alaihi wasallam bakri ke shaane mein se gosht kaat rahe thay , phir Aap ne is mein se khaya . Phir Aap ko namaz ke liye bulaya gaya to Aap khare ho gaye aur chhurri daal di aur namaz parhi lekin naya wuzu nahi kiya .

Yahya ne bayan kiya ke main ne Basheer se suna , unhon ne bayan kiya hum se Suwayd razi Allahu anhu ne bayan kiya hum Rasool Allah salla Allahu alaihi wasallam ke saath Khaibar ki taraf nikle jab hum Maqam e Sahba par pahunche . Yahya ne kaha ke yeh jagah Khaibar se ek manzil ki doori par hai to Nabi Karim salla Allahu alaihi wasallam ne khana talab farmaya lekin sattu ke siwa aur koi cheez nahi layi gayi . Hum ne usay Aap salla Allahu alaihi wasallam ke saath khaya phir Aap ne hamain Maghrib ki namaz parhayi aur naya wuzu nahi kiya aur Sufyan ne kaha goya ke tum yeh hadees Yahya hi se sun rahe ho .

Hum se Abu al-Yaman ne bayan kiya , kaha hum ko Shuayb ne khabar di , unhein Zuhri ne aur Layth ne bayan kiya , kaha unhon ne ke mujh se Yunus ne bayan kiya , in se Ibn Shihab ne bayan kiya , unhein Jafar bin Amr bin Umayyah razi Allahu anhu ne khabar di , unhein un ke walid Amr bin Umayyah ne khabar di ke unhon ne dekha ke Rasool Allah salla Allahu alaihi wasallam apne hath se bakri ke shaane ka gosht kaat kaat kar kha rahe thay , phir Aap ko namaz ke liye bulaya gaya to Aap gosht aur chhurri jis se Aap kaat rahe thay , chhor kar khare ho gaye aur namaz parhayi aur is namaz ke liye naya wuzu nahi kiya .