Hum se Abd-ul-Aziz ne bayan kiya , kaha hum se Ibrahim ne bayan kiya , in se Salih ne , in se Ibn Shihab ne (doosri sanad) aur hamase Hajjaj ne bayan kiya , kaha hum se Abdullah bin Umar Numayri ne bayan kiya , kaha hum se Yunus bin Yazid Aili ne bayan kiya , kaha ke main ne Zuhri se suna , kaha ke main ne Urwah bin Zubayr , Saeed bin al-Musayyab , Alqama bin Waqqas aur Ubaidullah bin Abdullah bin Utbah razi Allahعنہم se suna . Nabi Karim salla Allahu alaihi wasallam ki zauja mutahhara Aisha razi Allahu anha par buhtan ki baat ke mutalliq , jab in par it-tihaam lagane walon ne it-tihaam lagaya thu aur Allah Ta'ala ne in ko is it-tihaam se bari qarar diya thu , in sab logon ne mujh se is qissa ka koi ek tukra bayan kiya (is hadees mein yeh bhi hai ke) phir Allah Ta'ala ne yeh aayat nazil ki «innallazheena jaaa-oo bil-ifki» ke ”bilashubha jin logon ne jhooti tuhmat lagayi hai“ das aayaton tak . Jo sab ki sab meri paaki bayan karne ke liye nazil hui thien . Abu Bakr Siddiq razi Allahu anhu , Mistah razi Allahu anhu ke saath qarabat ki wajah se in ka kharch apne zimma liye huay thay , kaha ke Allah ki qasam ab kabhi Mistah par koi cheez ek paisa kharch nahi karoon ga . Is ke baad ke us ne Aisha razi Allahu anha par is tarah ki jhooti tuhmat lagayi hai . Is par Allah Ta'ala ne yeh aayat nazil ki «wa laa ya'tali oolul-fazhli minkum was-sa-ati ay-yu'tooo oolil-qurbaa» alkh . Abu Bakr razi Allahu anhu ne is par kaha , kyun nahi , Allah ki qasam main to yahi pasand karta hoon ke Allah meri maghfirat kar de . Chunanche unhon ne phir Mistah ko woh kharch dena shuru kar diya jo is se pehle unhein diya karte thay aur kaha ke Allah ki qasam main ab kharch dene ko kabhi nahi rokoon ga .