«sawwalat» ka maani tumhare dilon ne ek man-gharat baat ko apne liye achha samajh liya hai .

Hum se Abdul Aziz bin Abdullah Oways ne byaan kiya , kaha hum se Ibrahim bin Saad ne byaan kiya , un se Salih bin Kaysan ne , un se Ibn Shihab ne (doosri sanad) Imam Bukhari rahmahullah ne kaha ke hum se Hajjaj bin Minhal ne byaan kiya , kaha hum se Abdullah bin Umar Numayri ne byaan kiya , un se Yunus bin Yazid Ayli ne byaan kiya kaha ke main Zuhri se suna , unhon ne Urwah bin Zubayr , Saeed bin Musayyab , Alqamah bin Waqqas aur Ubaydullah bin Abdullah se Nabi Karim salla Allahu alaihi wasallam ki zauja mutahhara Aisha razi Allahu anhuma ke is waqia ke mutalliq suna jis mein tohmat lagane walon ne un par tohmat lagayi thi aur phir Allah Ta'ala ne un ki paaki nazil ki . In tamam logon ne mujh se is qissa ka kuch kuch tukra byaan kiya . Nabi Karim salla Allahu alaihi wasallam ne (Aisha razi Allahu anha se) farmaya ke agar tum bari ho to anqareeb Allah Ta'ala tumhari paaki nazil kar de ga lekin agar tu aalooda ho gayi hai to Allah se maghfirat talab kar aur us ke huzoor mein tauba kar (Aisha razi Allahu anha ne byaan kiya ke) main ne is par kaha: Allah ki qasam! Meri aur Aap ki misal Yusuf alaihissalam ke walid jaisi hai (aur unhi ki kahi hui baat main bhi dohrati hoon ke) «fasabrun jameelun wallahul musta-aanu ala ma tasifoona» ”so sabr karna (hi) achha hai aur tum jo kuch byaan karte ho is par Allah hi madad kare ga .“ Is ke baad Allah Ta'ala ne Aisha razi Allahu anha ki paaki mein Surah an-Noor ki «innallazhina ja'oo bil-ifki» se aakhir tak das aayat utarien .