Hum se Muhammad bin Harb ne bayan kiya, kaha hum se Yahya bin Zakariya ne bayan kiya, in se Hisham bin Urwah ne, in se Urwah aur in se Aisha razi Allahu anha ne bayan kiya ke Rasool Allah salla Allahu alaihi wasallam ne logon ko khitab kiya aur Allah ki hamd o sana ke baad farmaya ”tum mujhe in logon ke baare mein mashwara dete ho jo meere Ahl e khana ko bad-naam karte hain haalan-ke in ke baare mein mujhe koi buri baat kabhi nahi maloom hui. Urwah se riwayat hai, unhon ne hamase bayan kiya ke Aisha razi Allahu anha ko jab is waqia ka ilm hua (ke kuch log unhein bad-naam kar rahe hain) to unhon ne Nabi Karim salla Allahu alaihi wasallam se kaha: ya Rasool Allah! kiya mujhe Aap apne walid ke ghar jaane ki ijazat dein ge? Nabi Karim salla Allahu alaihi wasallam ne unhein ijazat di aur in ke saath ghulam ko bheija. Ansar mein se ek sahab Abu Ayub razi Allahu anhune kaha «sub-haanaka maa yakoonu lanaaa an-natakal-lama bi-haazhaaa sub-haanaka haazhaa buhtaanun azheemun» ”teri zaat paak hai, Ae Allah! hamare liye munasib nahi ke hum is tarah ki baatein karein teri zaat paak hai, yeh to bahut bada buhtan hai.“