Hum se Hajjaj Bin Minhal ne bayan kiya, unhon ne kaha hum se Abdullah Bin Umar Numairi ne, unhon ne kaha hum se Yunus Bin Yazid Aili ne bayan kiya, kaha mein ne Ibn Shihab Zuhri se suna, kaha ke mein ne Urwah Bin Zubair, Saeed Bin Musayyib, Alqama Bin Waqas aur Ubaidullah Bin Abdullah se Aisha (Radi Allahu Anha) ki hadees suni, in charon ne Aisha (Radi Allahu Anha) ki ye hadees mujh se thori thori bayan ki. Aisha (Radi Allahu Anha) ne bayan kiya ke jab Nabi Kareem (Sallallahu Alaihi Wasallam) bahar tashreef le jana chahte (jihad ke liye) to apni azwaj mein qura dalte aur jis ka naam nikal aata unhein Aap (Sallallahu Alaihi Wasallam) apne sath le jate thay. Ek ghazwah ke mauqe par Aap (Sallallahu Alaihi Wasallam) ne hamare darmiyan qura andazi ki to is martaba mera naam aaya aur mein Aap (Sallallahu Alaihi Wasallam) ke sath gayi, ye parda ka hukm nazil hone ke baad ka waqea hai
.