Hum se Musaddad ne bayan kiya , kaha hum se Ismail ne bayan kiya , kaha hum se Ayub Sakhtiyani ne bayan kiya , in se Abu Qulabah ne aur in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam (ek safar ke mauqa par) apni auraton ke paas aaye jo oonton par sawar ja rahi thien , in ke saath Umm Sulaym razi Allahu anha Anas ki walda bhi thien . Nabi Karim salla Allahu alaihi wasallam ne farmaya ke afsos , Anjashah! Sheeshon ko aahistagi se le chal . Abu Qulabah ne kaha ke Nabi Karim ne auraton se mutalliq aise alfaz ka istemal farmaya ke agar tum mein koi shakhs istemal kare to tum is par aib-jooyi karo . Yani Nabi Karim salla Allahu alaihi wasallam ka yeh irshad ke sheeshon ko narmi se le chal .