Hum se Muhammad bin Salam ne bayan kiya , kaha hum se Abdah ne bayan kiya , kaha hum ko Hisham bin Urwah ne khabar di , unhein in ke walid ne aur in se Aisha razi Allahu anha ne kaha ke Hassan bin Sabit razi Allahu anhu ne mushrikeen ki hajo karne ki ijazat chahi to Nabi Karim salla Allahu alaihi wasallam ne farmaya ke in ka aur mera khandan to ek hi hai (phir to main bhi is hajo mein shareek ho jaoon ga) . Hassan razi Allahu anhu ne kaha ke main hajo se Aap ko is tarah saaf nikaal doon ga jis tarah gandhe huay aatay se baal nikaal liya jata hai . Aur Hisham bin Urwah se riwayat hai , in se in ke walid ne bayan kiya ke main Hassan bin Sabit razi Allahu anhu ko Aisha razi Allahu anha ki majlis mein bura kehne laga to unhon ne kaha ke Hassan ko bura bhala na kaho , woh Nabi Karim salla Allahu alaihi wasallam ki taraf se mushrikon ko jawab deta tha .