Hum se Asbagh bin Faraj ne bayan kiya , kaha ke mujh se Abdullah bin Wahb ne bayan kiya , kaha ke mujhe Yunus ne khabar di , unhein Ibn Shihab ne , unhein Hushaim bin Abi Sinan ne khabar di ke unhon ne Abu Hurairah razi Allahu anhu se suna woh haalaat aur qisas ke tehat Rasool Allah salla Allahu alaihi wasallam ka tazkira kar rahe thay . Ke ek dafa Nabi Karim salla Allahu alaihi wasallam ne farmaya ke tumhare ek bhai ne koi buri baat nahi kahi . Aap ka isharah Ibn Rawaha ki taraf tha (apne ashaar mein) unhon ne yun kaha tha ”aur hum mein Allah ke Rasool hain jo is ki kitab ki tilawat karte hain , is waqt jab fajr ki roshni phoot kar phail jati hai . Hamain unhon ne gumrahi ke baad hidayat ka rasta dikhaya . Pas hamare dil is amar par yaqeen rakhte hain ke Nabi Karim salla Allahu alaihi wasallam ne jo kuch farmaya woh zaroor waqea ho ga . Aap raat is tarah guzarte hain ke in ka pehlu bistar se juda rehta hai (yani jaag kar) jab ke kafiron ke bojh se in ki khwab-gahein bojhal hui rehti hain .“ Yunus ke saath is hadees ko Aqeel ne bhi Zuhri se riwayat kiya aur Muhammad bin Waleed Zubaydi ne Zuhri se , unhon ne Saeed bin al-Musayyab se aur Abd-ur-Rahman Aaraj se unhon ne Abu Hurairah razi Allahu anhu se is hadees ko riwayat kiya .