Hum se Abdullah Bin Yusuf ne bayan kiya, unhon ne kaha hum ko Imam Maalik ne khabar di, unhein Abu-ul-Zinad ne khabar di, unhein Aaraj ne khabar di, aur unhein Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya "Kufr ki choti mashriq mein hai aur fakhr aur takabbur karna ghode walon, ont walon aur zameendaron mein hota hai jo (umuman) gaon ke rehne wale hote hain aur bakri walon mein dil-jamayi hoti hai."
.

Hum se Musa Bin Ismail ne bayan kiya, kaha hum se Juwairiya ne bayan kiya, un se Nafi ne aur un se Abdullah (Radi Allahu Anu) ne bayan kiya ke Nabi Kareem (Sallallahu Alaihi Wasallam) ne khutba dete hue Aisha (Radi Allahu Anha) ke hujra ki taraf isharah kiya aur farmaya ke isi taraf se (yaani mashriq ki taraf se) fitne barpa honge, teen martaba Aap (Sallallahu Alaihi Wasallam) ne isi tarah farmaya ke yahin se Shaitan ka sarr namoodar hoga
.

Hum se Abdullah Bin Muslima ne bayan kiya, un se Imam Maalik ne bayan kiya, un se Abdullah Bin Dinar ne bayan kiya aur un se Abdullah Bin Umar (Radi Allahu Anhuma) ne bayan kiya ke mein ne Rasul Allah (Sallallahu Alaihi Wasallam) ko dekha ke Aap mashriq ki taraf isharah kar ke farma rahe thay ke haan! Fitna isi taraf se nikalega jahan se shaitan ke sarr ka kona nikalta hai
.

Hum se Abu Al-Yaman ne bayan kiya, kaha hum ko Shuaib ne khabar di, un se Zuhri ne bayan kiya, unhein Abu Salamah Bin Abdur Rahman ne khabar di aur un se Abu Hurairah (Radi Allahu Anhu) ne bayan kiya ke mein ne Nabi Kareem (Sallallahu Alaihi Wasallam) se suna, Aap (Sallallahu Alaihi Wasallam) farma rahe thay ke fakhr aur takabbur in cheekhne aur shour machane wale ont walon mein hai aur bakri charane walon mein narm-dili aur malaimat hoti hai aur iman to Yaman mein hai hikmat (hadees) bhi Yamani hai, Abu Abdullah yani (Imam Bukhari (Rahimahullah)) ne kaha ke Yaman ka naam Yaman is liye hua ke ye Kaabah ke dahni jaanib hai aur Shaam ko Shaam is liye kehte hain ke ye Kaabah ke bain jaanib hai. «al-mash-amatu» bain jaanib ko kehte hain. Bain hath ko «al-shu-ma» kehte hain aur bain jaanib ko «al-ash-amu» kehte hain
.

Hum se Abu Al-Yaman ne bayan kiya, kaha hum ko Shuaib ne khabar di, unhein Zuhri ne, un se Salim Bin Abdullah ne aur un se Abdullah Bin Umar (Radi Allahu Anhuma) ne bayan kiya ke mein ne Rasul Allah (Sallallahu Alaihi Wasallam) se suna, Aap (Sallallahu Alaihi Wasallam) minbar par farma rahe thay "Aagah ho jao is taraf se fasad phoute ga." Aap (Sallallahu Alaihi Wasallam) ne mashriq ki taraf ishara kar ke ye jumla farmaya, jidhar se Shaitan ka seeng tulu hota hai
.

Hum se Muhammad bin Bashar ne byaan kiya , kaha hum se Muhammad bin Abi Adi ne byaan kiya , un se Shubah ne , un se Sulayman ne , un se Zhakwan ne aur un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke tumhare yahan Ahl e Yaman aa gaye hain , un ke dil ke parde bareek , dil narm hote hain , iman Yaman walon ka hai aur hikmat bhi Yaman ki achhi hai aur fakhr o takabbur oont walon mein hota hai aur itminan aur sahoolat bakri walon mein . Aur Ghundar ne byaan kiya is hadees ko Shubah se , un se Sulayman ne , unhon ne Zhakwan se suna , unhon ne Abu Hurairah razi Allahu anhu se aur unhon ne Nabi Karim salla Allahu alaihi wasallam se .

Hum se Ismail bin Abi Uways ne byaan kiya , kaha ke mujh se mere bhai Abdul Hameed ne byaan kiya , un se Ibn Bilal ne , un se Sawr bin Zayd ne , un se Abu al-Ghais (Salim) ne aur un se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ke iman Yaman ka hai aur fitna (deen ki kharabi) idhar se hai aur idhar hi se Shaytan ke sar ka kona namoodar ho ga .

Hum se Abu al-Yaman ne byaan kiya , kaha hum ko Shuayb ne khabar di , kaha hum se Abu al-Zinad ne byaan kiya , un se Aaraj ne aur un se Abu Hurairah razi Allahu anhu ne byaan kiya ke Nabi Karim salla Allahu alaihi wasallam ne farmaya ke tumhare yahan Ahl e Yaman aaye hain jo narm dil raqeeq al-qalb hain , deen ki samajh Yaman walon mein hai aur hikmat bhi Yaman ki hai .

Hum se Qubaysah ne byaan kiya , kaha hum se Sufyan ne byaan kiya , in se Abdullah bin Dinar ne aur in se Ibn Umar razi Allahu anhuma ne byaan kiya ke main ne Nabi Karim salla Allahu alaihi wasallam se suna Aap salla Allahu alaihi wasallam farma rahe thay ke fitna idhar se uthe ga aur Aap salla Allahu alaihi wasallam ne mashriq ki taraf isharah kiya .

`Hum se Abdullah bin Muhammad Musnadi ne bayan kiya, unhon ne kaha hum se Hisham bin Yusuf ne bayan kiya, unhon ne kaha un se Ma'mar ne bayan kiya, un se Zuhri ne bayan kiya, un se Salim ne, un se un ke walid ne ke Nabi Kareem صلی اللہ علیہ وسلم mimbar ke ek taraf khade hue aur farmaya ”Fitna idhar hai, fitna idhar hai jidhar se shaitan ka seeng tulu hota hai ya sooraj ka seeng farmaya.“

`Hum se Qutaiba bin Said ne bayan kiya, kaha hum se Laith ne bayan kiya, un se Nafi' ne aur un se Ibn Umar Radi Allahu Anhuma ne ke unhon ne Nabi Kareem صلی اللہ علیہ وسلم se suna, Nabi Kareem صلی اللہ علیہ وسلم mashriq ki taraf rukh kiye hue thay aur farma rahe thay ”Aagah ho jao, fitna is taraf hai jidhar se shaitan ka seeng tulu hota hai.“