Hum se Musa bin Ismail ne bayan kiya , kaha hum se Abu Awanah Waz-zhah Shukri ne bayan kiya , in se Haseen bin Abd-ul-Rahman Salmi ne , in se falan shakhs (Saeed bin Ubaidah) ne ke Abu Abd-ur-Rahman aur Habban bin Atiy-yah ka aapas mein ikhtilaf hua . Abu Abd-ur-Rahman ne Habban se kaha ke Aap ko maloom hai ke Aap ke saathi khoon bahane mein kis qadar jari ho gaye hain . In ka isharah Ali razi Allahu anhuki taraf thu is par Habban ne kaha unhon ne kya kiya hai , tera baap nahi . Abu Abd-ur-Rahman ne kaha ke Ali razi Allahu anhukehte thay ke mujhe , Zubayr aur Abu Marsad razi Allahعنہم ko Rasool Allah salla Allahu alaihi wasallam ne bheija aur hum sab ghoron par sawar thay Nabi Karim salla Allahu alaihi wasallam ne farmaya ke jao aur jab Raudha e Khaakh par pahuncho (jo Madinah se barah meil ke fasila par ek jagah hai) Abu Salamah ne bayan kiya ke Abu Awanah ne Khaakh ke badle Haaj kaha hai . To wahan tumhein ek aurat (Sarah naami) mile gi aur is ke paas Hatib bin Abi Balta-a ka ek khatt hai jo mushrikeen e Makkah ko likha gaya hai tum woh khatt meere paas lao . Chunanche hum apne ghoron par dore aur hum ne usay wahien pakra jahan Nabi Karim salla Allahu alaihi wasallam ne bataya thu . Woh aurat apne oont par sawar ja rahi thi Hatib bin Abi Balta-a razi Allahu anhune ahal e Makkah ko Nabi Karim salla Allahu alaihi wasallam ki Makkah ko aane ki khabar di ku . Hum ne is aurat se kaha ke tumhare paas woh khatt kahan hai is ne kaha ke meere paas to koi khatt nahi hai hum ne is ka oont bitha diya aur is ke kaja-way ki talashi li lekin is mein koi khatt nahi mila . meere saathi ne kaha ke is ke paas koi khatt nahi maloom hota . Rawi ne bayan kiya ke hamain yaqeen hai ke Nabi Karim salla Allahu alaihi wasallam ne ghalat baat nahi farmayi phir Ali razi Allahu anhune qasam khayi ke is zaat ki qasam jis ki qasam khayi jaati hai khatt nikal de warna main tujhe nangi karoon ga اب woh aurat apne neifay ki taraf jhuki is ne ek chadar kamar par baandh rakkhi thi aur khatt nikala . Is ke baad yeh log khatt Nabi Karim salla Allahu alaihi wasallam ke paas laaye . Umar razi Allahu anhune arz kiya: ya Rasool Allah! Is ne Allah aur is ke Rasool aur Musalmanon ke saath khiyanat ki hai , mujhe ijazat dijiye ke main is ki gardan maar doon . Lekin Nabi Karim salla Allahu alaihi wasallam ne farmaya , Hatib! tum ne aisa kyun kiya ? Hatib razi Allahu anhune kaha: ya Rasool Allah! Bhala kiya mujh se yeh mumkin hai ke main Allah aur is ke Rasool par iman na rakkhoon mera matlab is khatt ke likhne se sirf yeh thu ke mera ek ihsan Makkah walon par ho jaye jis ki wajah se main apni jaidad aur baal bachon ko (in ke hath se) bacha loon . Baat yeh hai ke Aap ke as-hab mein koi aisa nahi jis ke Makkah mein in ki qaum mein ke aise log na hon jis ki wajah se Allah in ke bachon aur jaidad par koi aafat nahi aane deta . Magar mera wahan koi nahi hai . Nabi Karim salla Allahu alaihi wasallam ne farmaya ke Hatib ne sach kaha hai . Bhalayi ke siwa in ke baare mein aur kuch na kaho . Bayan kiya ke Umar razi Allahu anhune dobara kaha ke ya Rasool Allah salla Allahu alaihi wasallam is ne Allah aur is ke Rasool aur mominon ke saath khiyanat ki hai . Mujhe ijazat dijiye ke main is ki gardan maar doon . Nabi Karim salla Allahu alaihi wasallam ne farmaya kiya yeh Jang e Badr mein shareek hone walon mein se nahi hain ? Tumhein kiya maloom Allah Ta'ala in ke aamal se waqif thu aur phir farmaya ke jo chaho karo main ne jannat tumhare liye likh di hai is par Umar razi Allahu anhuki aankhon mein (khushi se) aansu bhar aaye aur arz kiya: Allah aur is ke Rasool hi ko haqeeqat ka zyada ilm hai . Abu Abdullah (Imam Bukhari rahmahullah) ne kaha ke «khaakh» zyada sahih hai lekin Abu Awanah ne «haaj» hi bayan kiya hai aur lafz «haaj» badla hua hai yeh ek jagah ka naam hai aur Hushaim ne «khaakh» bayan kiya hai .