Hum se Muhammad bin Salam ne byaan kiya , kaha hum se Abu Muawiyah ne byaan kiya , kaha hum se Hisham bin Urwah ne byaan kiya , un se un ke walid ne aur un se Aisha razi Allahu anha ne byaan kiya ke ek shakhs Rifai ne apni biwi (Tamima bint Wahb) ko talaq de di , phir ek doosre shakhs se in ki biwi ne nikah kiya lekin unhon ne bhi un ko talaq de di . In doosre shohar ke paas kapre ke pallu ki tarah tha . Aurat ko is se poora maza jaisa woh chahti ku nahi mila . Aakhir Abdur Rahman ne thode hi dinon rakh kar is ko talaq de di . Ab woh aurat Nabi Karim salla Allahu alaihi wasallam ke paas aayi aur arz kiya ke ya Rasool Allah! Mere shohar ne mujhe talaq de di thi , phir main ne ek doosre mard se nikah kiya . Woh mere paas tanhayi mein aaye lekin un ke saath to kapre ke pallu ki tarah ke siwa aur kuch nahi hai . Kal ek hi baar us ne mujh se sohbat ki woh bhi bekaar (dukhool hi nahi hua oopar hi oopar chhoo kar reh gaya) kiya ab main apne pehle khawand ke liye halal ho gayi ? Aap salla Allahu alaihi wasallam ne farmaya ke tu apne pehle khawand ke liye halal nahi ho sakti jab tak doosra khawand teri sheerini na chakhe .