Mujh se Muhammad bin Bashar ne byaan kiya , kaha hum se Yahya bin Saeed Qattan ne byaan kiya , in se Ubaidullah bin Umar Umri ne , kaha ke mujh se Qasim bin Muhammad ne byaan kiya aur in se Aisha razi Allahu anha ne ke ek sahab ne apni biwi ko teen talaq de di thi . In ki biwi ne doosri shadi kar li , phir doosre shohar ne bhi (hum-bistari se pehle) unhein talaq de di . Rasool Allah salla Allahu alaihi wasallam se sawal kiya gaya ke kya pehla shohar ab un ke liye halal hai (ke in se dobara shadi kar lein) . Nabi Karim salla Allahu alaihi wasallam ne farmaya ke nahi , yahan tak ke woh yani shohar sani is ka maza chakhe jaisa ke pehle ne maza chakha tha .