Hum se Amr bin Ali ne byaan kiya , kaha hum se Yahya ne , kaha hum se Hisham ne , kaha ke mujh se mere walid ne byaan kiya aur in se Aisha razi Allahu anha ne aur in se Nabi Karim salla Allahu alaihi wasallam ne (doosri sanad aur Imam Bukhari rahmahullah ne kaha ke) hum se Usman bin Abi Shaybah ne byaan kiya , kaha hum se Abdah ne byaan kiya , in se Hisham ne , in se un ke walid ne aur in se Aisha razi Allahu anha ne ke Rifaa Qurazi razi Allahu anhu ne ek khatoon se nikah kiya , phir unhein talaq de di , is ke baad ek doosre sahab ne in khatoon se nikah kar liya , phir woh Nabi Karim salla Allahu alaihi wasallam ki khidmat mein hazir huien aur apne doosre shohar ka zikr kiya aur kaha ke woh to in ke paas aate hi nahi aur yeh ke in ke paas kapre ke pallu jaisa hai (unhon ne pehle shohar ke saath dobara nikah ki khwahish zahir ki lekin) . Nabi Karim salla Allahu alaihi wasallam ne farmaya ke nahi , jab tak tum is (doosre shohar) ka maza na chakh lo aur yeh tumhara maza na chakh lein .