Hum se Sulayman bin Harb ne byaan kiya, kaha hum se Hammad bin Zayd ne byaan kiya, in se Sabit Banani ne aur un se Anas razi Allahu anhu ne byaan kiya ke Rasool Allah salla Allahu alaihi wasallam ne Zaynub razi Allahu anha jaisa walima apni biwiyon mein se kisi ka nahi kiya, in ka walima Aap ne ek bakri ka kiya tha.

Hum se Musaddad bin Musarhad ne byaan kiya, un se Abdul Waris ne byaan kiya, un se Shuaib ne aur un se Anas razi Allahu anhu ne ke Rasool Allah salla Allahu alaihi wasallam ne Safiya razi Allahu anha ko aazad kiya aur phir in se nikah kiya aur in ki aazadi ko in ka mahr qarar diya aur in ka walima maleeda se kiya.

Hum se Malik bin Ismail ne byaan kiya, kaha hum se Zuhair ne byaan kiya, in se Bayaan bin Bishr ne byaan kiya, unhon ne kaha ke main ne Anas razi Allahu anhu se suna, unhon ne kaha ke Nabi Karim salla Allahu alaihi wasallam ek khatoon (Zaynub bint Jahsh razi Allahu anha) ko nikah kar ke laye to mujhe bheja aur main ne logon ko walima khane ke liye bulaya.

Hum se Musaddad bin Musarhad ne byaan kiya, kaha hum se Hammad bin Zayd ne, un se Sabit Banani ne, ke Anas razi Allahu anhu ke samne Zaynub bint Jahsh razi Allahu anha ke nikah ka zikr kiya gaya to unhon ne kaha ke main ne Rasool Allah salla Allahu alaihi wasallam ko in ke jaisa apni biwiyon mein se kisi ke liye walima karte nahi dekha. Nabi Karim salla Allahu alaihi wasallam ne in ka walima ek bakri se kiya tha.

Hum se Muhammad bin Yusuf ne byaan kiya, kaha hum se Sufyan ne byaan kiya, un se Mansoor bin Safiya ne, un se un ki walda Safiya bint Shaybah razi Allahu anha ne ke Nabi Karim salla Allahu alaihi wasallam ne apni ek biwi ka walima do mudd (taqreeban paune do sair) jau se kiya thu.

Aur jis ne saat din tak dawat e walima ko jaari rakkha aur Nabi Karim salla Allahu alaihi wasallam ne usay sirf ek ya do din tak kuch muayyan nahi farmaya.

Hum se Abdullah bin Yusuf ne byaan kiya, unhon ne kaha hum se Malik ne khabar di, unhein Abdullah bin Umar razi Allahu anhuma ne ke Rasool Allah salla Allahu alaihi wasallam ne farmaya ke jab tum mein se kisi ko dawat e walima par bulaya jaye to usay aana chahiye. Maloom hua ke dawat e walima ka qabool karna zaroori hai.

Hum se Musaddad bin Musarhad ne byaan kiya, kaha hum se Yahya bin Kaseer ne byaan kiya, un se Sufyan Sawri ne, kaha ke mujh se Mansoor ne byaan kiya, un se Abu Wail ne aur un se Abu Musa Ash'ari razi Allahu anhu ne ke Nabi Karim salla Allahu alaihi wasallam ne farmaya ke qaidi ko chhirao, dawat karne wale ki dawat qabool karo aur beemar ki iyadat karo.

Hum se Hasan bin Rabee ne byaan kiya, kaha hum se Abu al-Ahwas (Salam bin Saleem) ne byaan kiya, un se Ash'as bin Abi al-Sha'sa ne, un se Muawiyah bin Suwaid ne ke Bara bin Azib razi Allahu anhu ne kaha ke Nabi Karim salla Allahu alaihi wasallam ne hamain saat kaamon ka hukm diya aur saat kaamon se mana farmaya. Hamain Nabi Karim salla Allahu alaihi wasallam ne beemar ki iyadat, janaza ke peeche chalne, chhinkne wale ke jawab dene (yarhamu-kallahu yani Allah tum par raham kare kehna) qasam ko poora karne, mazloom ki madad karne, sab ko salam karne aur dawat karne wale ki dawat qabool karne ka hukm diya thu aur hamain Nabi Karim salla Allahu alaihi wasallam ne sone ki angoothi pehnne, chaandi ke bartan istemal karne, reshmi gadde, qasiya (reshmi kapra) istabraq (mote resham ka kapra) aur deebaj (ek reshmi kapra) ke istemal se mana farmaya thu. Abu Awanah aur Shaybani ne Ash'as ki riwayat se lafz «ifshaa-us-salam» mein Abu al-Ahwas ki mutabia't ki hai.

Hum se Qutaybah bin Saeed ne byaan kiya, kaha hum se Abdul Aziz bin Abi Hazim ne byaan kiya aur un se Sahl bin Saad razi Allahu anhu ne ke Abu Usayd Saadi razi Allahu anhu ne Rasool Allah salla Allahu alaihi wasallam ko apni shadi par dawat di, in ki dulhan Umm Usayd Salamah bint Wahb zaroori jo kaam kaaj kar rahi thien aur wahi dulhan bani thien. Sahl razi Allahu anhu ne kaha tumhein maloom hai unhon ne Nabi Karim salla Allahu alaihi wasallam ko is mauqa par kiya pilaya tha? Raat ke waqt unhon ne kuch khajoorein pani mein bhigo di thien (subah ko) jab Nabi Karim salla Allahu alaihi wasallam khane se farigh huay to Aap ko wahi pilaya.