Ibn Abbas razi Allahu anhuma ne kaha «summa lam takun fitnatuhum» ka maani phir un ka aur koi uzr na ho ga . «marooshaatun» ka maani tatiyon par charhaye huay jaise angoor waghaira (jin ki bayl hoti hai) . «hamoolatun» ka maani «laddu» yani bojh laadne ke janwar . «wa-la-labasna» ka maani hum shubha daal dein ge . «yana'oona» ka maani door ho jate hain . «tubsalu» ka maani ruswa kiya jaye . «ubsilu» ruswa kiye gaye . «baasitu aydeehim» mein «bastun» ke maani maarna . «istaksartum» yani tum ne bahuton ko gumrah kiya . «wa jaalu lillahi min samaraatihim wa amwalihim naseeban» yani unhon ne apne phalon aur maalon mein Allah ka ek hissa aur Shaytan aur buton ka ek hissa thehraya . «akinnatun» , «kinanun» ki jama hai yani parda . «ammash-tamalat» yani kya maadon ki pait mein nar mada nahi hote phir tum ek ko haram ek ko halal kyun banate ho . Aur «wa ma masfoo-han» yani bahaya gaya khoon . «sadafa» ka maani munh phera . «ablasu» ka maani na-umeed huay . «fa-izha hum mublisoona» mein aur «ubsilu bima kasabu» mein yeh maani hai ke halakat ke liye supurd kiye gaye . «sarmadan» ka maani hamesha . «istahwat-hu» ka maani gumrah kiya . «yamturoona» ka maani shakk karte ho . «waqrun» ka maani bojh (jis se kaan behra ho) . Aur «waqran» bi-kasrah wao maani bojh jo janwar par lada jaye . «asateeru» , «ustoouratun» aur «istaratun» ki jama hai yani wahiyat aur laghwa baatein . «al-ba'sa'u» , «ba'sun» se nikla hai yani sakht mayus se yani takleef aur muhtaji neiz «bu'sun» se bhi aata hai aur muhtaj . «jahratan» khullam khulla . «soorun» ( «yawma yunfakhu fis-soori») mein «sooratun» ki jama jaise «suwarun» , «suratun» ki jama . «malakootun» se «mulkun» yani sultant murad hai . Jaise «rahbootun» aur «rahmoutun» masal hai «rahbootun» yani darr . «rahmoutun» (meherbani) se behtar hai aur kehte hain tera draya jana bacha par meherbani karne se behtar hai . «janna alayhil laylu» raat ki andheri is par chha gayi . «husbanun» ka maani «hisabun» . Kehte hain Allah par is ka «husbanun» yani «hisabun» hai aur baazon ne kaha «husbanun» se murad teer aur Shaytan par phenkne ke harbe . «mustaqarrun» baap ki pusht . «mustawda'un» maan ka pait . «qinwun» (khosha) guchha is ka tasniya «qinwani» aur jama bhi «qinwanun» jaise «sinwun» aur «sinwanun» (yani jarr milay huay darakht) .

Hum se Abdul Aziz bin Abdullah ne byaan kiya , kaha hum se Ibrahim bin Saad ne byaan kiya , un se Ibn Shihab ne , un se Salim bin Abdullah ne aur un se un ke walid (Abdullah bin Umar razi Allahu anhuma) ne ke Rasool Allah salla Allahu alaihi wasallam ne farmaya ke ghaib ke khazane paanch hain . Jaisa ke irshad e Baari hai . Beshak Allah hi ko Qayamat ki khabar hai aur wahi jaanta hai ke rahmon mein kya hai aur koi bhi nahi jaan sakta ke woh kal kya amal kare ga aur na koi yeh jaan sakta hai ke woh kis zameen par mare ga , beshak Allah hi ilm wala hai , khabar rakhne wala hai .“

«yalbisakum» ka maani mila de khalt malt kar de . Yeh «al-iltibaasu» se nikla hai . «shiya'an» yani «firaqan» giroh giroh firqe firqe .

Hum se Abu al-Nu'man ne byaan kiya , unhon ne kaha hum se Hammad bin Zayd ne byaan kiya , un se Amr bin Dinar ne aur un se Jabir razi Allahu anhu ne byaan kiya ke jab yeh aayat «qul huwal qadiru ala an yab'asa alaykum azhaaban min fawqikum» nazil hui to Rasool Allah salla Allahu alaihi wasallam ne farmaya ke ae Allah! Main tere munh ki panah maangta hoon . Phir yeh utra «au min tahti arjulikum» Aap salla Allahu alaihi wasallam ne farmaya ke ya Allah! Main tere munh ki panah maangta hoon . Phir yeh utra «au yalbisakum shiya'an wa yuzeeqa ba'dakum ba'sa ba'din» is waqt Nabi Karim salla Allahu alaihi wasallam ne farmaya ke yeh pehle azabon se halka ya aasan hai .

Hum se Muhammad bin Bashar ne byaan kiya , unhon ne kaha hum se Ibn Mahdi ne byaan kiya , unhon ne kaha hum se Shubah ne byaan kiya , un se Qatadah ne , un se Abu al-Aaliyah ne byaan kiya ke mujh se tumhare Nabi ke chacha zaad bhai yani Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne farmaya ke kisi ke liye munasib nahi ke mujhe Yunus bin Matta alaihissalam se behtar bataye .

Hum se Muhammad bin Bashar ne byaan kiya , unhon ne kaha hum se Ibn Mahdi ne byaan kiya , unhon ne kaha hum se Shubah ne byaan kiya , un se Qatadah ne , un se Abu al-Aaliyah ne byaan kiya ke mujh se tumhare Nabi ke chacha zaad bhai yani Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne farmaya ke kisi ke liye munasib nahi ke mujhe Yunus bin Matta alaihissalam se behtar bataye .

Hum se Adam bin Abi Iyas ne byaan kiya , unhon ne kaha hum se Shubah ne byaan kiya , unhon ne kaha hum ko Saad bin Ibrahim ne khabar di , unhon ne kaha ke main ne Humayd bin Abdur Rahman bin Auf razi Allahu anhu se suna , unhon ne Abu Hurairah razi Allahu anhu se ke Nabi Karim salla Allahu alaihi wasallam ne farmaya ke kisi shakhs ke liye jaiz nahi ke mujhe Yunus bin Matta alaihissalam se behtar bataye .

Mujh se Ibrahim bin Musa ne byaan kiya , kaha hum ko Hisham bin Yusuf ne khabar di , unhein Ibn Jurayj ne khabar di , kaha ke mujhe Sulayman Ahwal ne khabar di , unhein Mujahid ne khabar di ke unhon ne Ibn Abbas razi Allahu anhuma se poocha kya Surah Sad mein sajda hai ? Ibn Abbas razi Allahu anhuma ne batlaya , haan . Phir Aap ne aayat «wa wahabna» se ( «fabihuda-humuq-tadih») tak parhi aur kaha ke Dawood alaihissalam bhi in anbiya mein shamil hain (jin ka zikr aayat mein hua hai) . Yazid bin Haroon , Muhammad bin Ubayd aur Sahl bin Yusuf ne Awam bin Haushab se , un se Mujahid ne byaan kiya ke main ne Ibn Abbas razi Allahu anhuma se poocha , to unhon ne kaha tumhare Nabi bhi in mein se hain jinhein agle anbiya ki iqtida ka hukm diya gaya hai .

Ibn Abbas razi Allahu anhuma ne kaha ke «kulla zhee zhufurin» se murad oont aur shutar-murgh hain . Lafz «al-hawaya» bamaani ojhri ke hai aur un ke siwa ek aur ne kaha ke «haadu» ke maani mein ke woh Yahudi ho gaye . Lekin Surah al-A'raf mein lafz «hudna» ka maani yeh hai ke hum ne tauba ki isi se lafz «ha'idun» kehte hain tauba karne wale ko .

Hum se Amr bin Khalid ne byaan kiya , kaha hum se Layth ne byaan kiya , un se Yazid bin Abi Habib ne ke Ata ne byaan kiya ke unhon ne Jabir bin Abdullah razi Allahu anhuma se suna unhon ne Nabi Karim salla Allahu alaihi wasallam se suna , Nabi Karim salla Allahu alaihi wasallam ne farmaya , Allah Yahudiyon ko gharat kare , jab Allah Ta'ala ne un par murdah janwaron ki charbi haram kar di to is ka tail nikal kar usay bechne aur khane lage . Aur Abu Aasim ne byaan kiya , un se Abdul Hameed ne byaan kiya , un se Yazid ne byaan kiya , unhein Ata ne likha tha ke main ne Jabir razi Allahu anhu se suna aur unhon ne Nabi Karim salla Allahu alaihi wasallam se .