Hum se Muhammad Bin Alaa ne bayan kiya, kaha hum se Abu Usama ne bayan kiya, un se Yazid Bin Abdullah ne aur un se Abu Hurairah (Radi Allahu Anhu) ne un se Abu Musa Ashari (Radi Allahu Anhu) ne bayan kiya ke Abu Aamir (Radi Allahu Anhu) ke ghutne mein teer laga to mein un ke paas pahuncha. Unhon ne farmaya ke is teer ko kheench kar nikal lo mein ne kheench liya to us se khoon behne laga phir Nabi Kareem (Sallallahu Alaihi Wasallam) ki khidmat mein hazir hua aur Aap (Sallallahu Alaihi Wasallam) ko is hadsa ki itla di to Aap (Sallallahu Alaihi Wasallam) ne (un ke liye) dua farmai «allhm agfr lebyd aby eamr» ae Allah! Ubaid Abu Aamir ki maghfirat farma
.

Hum se Ismail Bin Khalil ne bayan kiya, kaha hum ko Ali Bin Mushir ne khabar di, kaha hum ko Yahya Bin Saeed ne khabar di, kaha hum ko Abdullah Bin Rabia Bin Aamir ne khabar di, kaha ke mein ne Aisha (Radi Allahu Anha) se suna, aap bayan karti thiin ke Nabi Kareem (Sallallahu Alaihi Wasallam) ne (ek raat) bedari mein guzari, Madinah pahunchne ke baad Aap (Sallallahu Alaihi Wasallam) ne farmaya "Kash! Mere ashab mein se koi naik mard aisa hota jo raat bhar hamara pahra deta!" Abhi yahi batein ho rahi thiin ke hum ne hathiyar ki jhankaar suni. Aap (Sallallahu Alaihi Wasallam) ne daryaft farmaya "Ye kaun sahab hain?" (Aane wale ne) kaha mein hoon Saad Bin Abi Waqas, aap ka pahra dene ke liye hazir hua hoon. Phir Nabi Kareem (Sallallahu Alaihi Wasallam) khush hue. Un ke liye dua farmai aur aap so gaye
.

Hum se Yahya Bin Yusuf ne bayan kiya, kaha hum ko Abu Bakr ne khabar di, unhein Abu Husain ne, unhein Abu Salih aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Ashrafi ka banda, rupaye ka banda, chadar ka banda, kambal ka banda halak hua ke agar use kuch de diya jaye tab to khush ho jata hai aur agar nahi diya jaye to naraz ho jata hai." Is hadees ko Israeel aur Muhammad Bin Jihada ne Abu Husain se marfu nahi kiya
.

Aur Amr Ibn Marzooq ne hum se barha kar bayan kiya, unhon ne kaha hum ko Abdur Rahman Bin Abdullah Bin Dinar ne khabar di, unhon ne apne baap se, unhon ne Abu Salih se, unhon ne Abu Hurairah (Radi Allahu Anhu) se, unhon ne Nabi Kareem (Sallallahu Alaihi Wasallam) se, Aap (Sallallahu Alaihi Wasallam) ne farmaya "Ashrafi ka banda aur rupaye ka banda aur kambal ka banda tabah hua, agar is ko kuch diya jaye tab to khush jab na diya jaye to gussa ho jaye, aisa shakhs tabah sar-nigoon hua. Is ko kanta lage to Allah kare phir na nikle. Mubarak ka mustahiq hai wo banda jo Allah ke raste mein (ghazwah ke mauqe par) apne ghore ki lagam thame hue hai, is ke sar ke baal praganda hain aur is ke qadam gard o ghubar se ate hue hain, agar use chauki pahre par laga diya jaye to wo apne is kaam mein poori tandehi se laga rahe aur agar lashkar ke peeche (dekh bhaal ke liye) laga diya jaye to is mein bhi poori tandehi aur farz shanasi se laga rahe. (Agarche zindagi mein ghurbat ki wajah se is ki koi ahmiyat bhi na ho ke) agar wo kisi se mulaqat ki ijazat chahe to use ijazat bhi na mile aur agar kisi ki sifarish kare to is ki sifarish bhi qabool na ki jaye." Abu Abdullah (Imam Bukhari Rahimahullah) ne kaha ke Israeel aur Muhammad Bin Jihada ne Abu Husain se ye riwayat marfuan nahi bayan ki hai aur kaha ke Quran Majeed mein jo lafz «tesa» aaya hai goya yun kehna chahiye ke «fat eshm allh .» (Allah unhein giraye halak kare) «twba fely» ke wazan par hai har acchi aur tayyib cheez ke liye. Wao asal mein ya tha (tayyiba) phir ya ko wao se badal diya gaya aur ye tayyib se nikla hai
.

Hum se Muhammad Bin Ar'ara ne bayan kiya, kaha hum se Shuba ne bayan kiya, un se Yunus Bin Ubaid ne, un se Sabit Banani ne aur un se Anas Bin Malik (Radi Allahu Anhu) ne bayan kiya ke mein Jarir Bin Abdullah Bajali (Radi Allahu Anhu) ke sath tha to wo meri khidmat karte thay halanke umr mein wo mujh se bare thay, Jarir (Radi Allahu Anhu) ne bayan kiya ke mein ne har waqt Ansar ko ek aisa kaam karte dekha (Rasul Allah Sallallahu Alaihi Wasallam ki khidmat) ke jab un mein se koi mujhe milta hai to mein is ki tazeem o ikram karta hoon
.

Hum se Abdul Aziz Bin Abdullah ne bayan kiya, kaha hum se Muhammad Bin Jafar ne bayan ka, un se Mutallib Bin Hantab ke maula Amr Bin Abi Amr ne aur unhon ne Anas Bin Malik (Radi Allahu Anhu) se suna, aap bayan karte thay ke mein Rasul Allah (Sallallahu Alaihi Wasallam) ke sath Khaibar (ghazwah ke mauqe par) gaya, mein aap (Sallallahu Alaihi Wasallam) ki khidmat kiya karta tha, phir jab aap (Sallallahu Alaihi Wasallam) wapas hue aur Uhud pahar dikhayi diya to aap (Sallallahu Alaihi Wasallam) ne farmaya ke ye wo pahar hai jis se hum mohabbat karte hain aur wo hum se mohabbat karta hai. Is ke baad aap (Sallallahu Alaihi Wasallam) ne apne hath se Madinah ki taraf ishara kar ke farmaya. Ae Allah! Mein is ke donon pathrele maidanon ke darmiyan ke khitte ko hurmat wala qarar deta hoon, jis tarah Ibrahim (Alaihis Salam) ne Makkah ko hurmat wala shehr qarar diya tha, ae Allah! Hamare saa aur hamare mudd mein barkat ata farma
.

Hum se Sulaiman Bin Dawood Abu Rabi ne bayan kiya, kaha hum se Ismail Bin Zakariya ne, un se Aasim Bin Sulaiman ne, un se Mauriq Ajli ne aur un se Anas (Radi Allahu Anhu) ne bayan kiya ke hum Nabi Kareem (Sallallahu Alaihi Wasallam) ke sath (ek safar mein) thay. Kuch sahaba karam (Radi Allahu Anhum) roze se thay aur kuch ne roza nahi rakha tha. Mausam garmi ka tha, hum mein ziyada behtar saya jo koi karta, apna kambal taan leta. Khair jo log roze se thay wo koi kaam na kar sake thay aur jin hazrat ne roza nahi rakha tha to unhon ne hi oonton ko uthaya (pani pilaya) aur roza-daron ki khoob khoob khidmat bhi ki. Aur (doosre tamam) kaam kiye. Nabi Kareem (Sallallahu Alaihi Wasallam) ne farmaya "Aaj ajar o sawab ko roza na rakhne wale loot kar le gaye."
.

Hum se Ishaq Bin Nazr ne bayan kiya, kaha hum se Abdur Razzaq ne bayan kiya, un se Ma'mar ne, un se Hammam ne, un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Rozana insan ke har ek jorr par sadaqah lazim hai aur agar koi shakhs kisi ki sawari mein madad kare ke us ko sahara de kar us ki sawari par sawar kara de ya us ka saman is par utha kar rakh de to ye bhi sadaqah hai. Accha aur paak lafz bhi (zaban se nikalna) sadaqah hai. Har qadam jo namaz ke liye uthta hai wo bhi sadaqah hai aur (kisi musafir ko) rasta bata dena bhi sadaqah hai."
.

Aur Allah Ta'ala ka irshad «ya ayha alzyn amnw asbrw» "Ae iman walo sabr se kaam lo aur dushmanon se sabr mein ziyada raho." Aur morche par jame raho aakhir aayat tak
.

Hum se Abdullah Bin Muneer ne bayan kiya, unhon ne Abu-ul-Nazr Hashim Bin Qasim se suna, unhon ne kaha hum se Abdur Rahman Bin Abdullah Bin Dinar ne bayan kiya, unhon ne kaha ke hum se Abu Hazim (Salama Bin Dinar) ne bayan kiya aur un se Sahl Bin Saad Saidi (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Allah ke raste mein dushman se mili hui sarhad par ek din ka pahra «dunya uma fyha» se barh kar hai jannat mein kisi ke liye ek kore jitni jagah «dunya uma fyha» se barh kar hai aur jo shakhs Allah ke raste mein shaam ko chale ya subah ko to wo «dunya uma fyha» se behtar hai."
.