Hum se Hafs Bin Umar ne bayan kiya, kaha hum se Shuba ne bayan kiya, kaha ke mujhe Habib Bin Abi Thabit ne khabar di, kaha ke mein ne Abu-al-Minhal se suna, unhon ne bayan kiya ke mein ne Bara Bin Azib aur Zaid Bin Arqam (Radi Allahu Anhuma) se bai-e-sarf ke mutaliq poocha to in donon hazraat ne ek doosre ke mutaliq farmaya ke ye mujh se behtar hain. Aakhir donon hazraat ne batlaya ke Rasul Allah (Sallallahu Alaihi Wasallam) ne sone ko chandi ke badle mein udhaar ki soorat mein bechne se mana farmaya hai
.

Hum se Hafs Bin Umar ne bayan kiya, kaha hum se Shuba ne bayan kiya, kaha ke mujhe Habib Bin Abi Thabit ne khabar di, kaha ke mein ne Abu-al-Minhal se suna, unhon ne bayan kiya ke mein ne Bara Bin Azib aur Zaid Bin Arqam (Radi Allahu Anhuma) se bai-e-sarf ke mutaliq poocha to in donon hazraat ne ek doosre ke mutaliq farmaya ke ye mujh se behtar hain. Aakhir donon hazraat ne batlaya ke Rasul Allah (Sallallahu Alaihi Wasallam) ne sone ko chandi ke badle mein udhaar ki soorat mein bechne se mana farmaya hai
.

Hum se Imran Bin Maisarah ne bayan kiya, kaha ke hum se Abbad Bin Awam ne, kaha ke hum ko Yahya Bin Abi Ishaq ne khabar di, un se Abdur Rahman Bin Abi Bakrah (Radi Allahu Anhu) ne bayan kiya, aur un se un ke baap Abu Bakrah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne chandi, chandi ke badle mein aur sona sone ke badle mein bechne se mana farmaya hai. Magar ye ke barabar barabar ho. Albatta sona chandi ke badle mein jis tarah chahein khareedein. Isi tarah chandi sone ke badle jis tarah chahein khareedein
.

Anas (Radi Allahu Anhu) ne kaha ke Nabi Kareem (Sallallahu Alaihi Wasallam) ne muzabana aur muhaqala se mana farmaya hai
.

Hum se Yahya Bin Bukair ne bayan kiya, kaha hum se Liath ne bayan kiya aur un se Aqeel ne, un se Ibn Shihab ne, unhein Salim Bin Abdullah ne khabar di, aur unhein Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne farmaya, phal (darakht par ka) is waqt tak na becho jab tak is ka paka hona na khul jaye. Aur darakht par lagi hui khajoor ko khushk khajoor ke badle mein na becho
.

Salim ne bayan kiya ke mujhe Abdullah (Radi Allahu Anhu) ne khabar di, aur unhein Zaid Bin Thabit (Radi Allahu Anhu) ne ke baad mein Rasul Allah (Sallallahu Alaihi Wasallam) ne bai-e-ariya ki tarr ya khushk khajoor ke badla mein ijazat de di thi lekin is ke siwa kisi soorat ki ijazat nahi di thi
.

Hum se Abdullah Bin Yusuf ne bayan kiya, unhon ne kaha ke hum ko Imam Malik ne khabar di, unhein Nafay ne, unhein Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne muzabana se mana farmaya, muzabana darakht par lagi hui khajoor ko tooti hui khajoor ke badle naap kar aur darakht ke angoor ko khushk angoor ke badle mein naap kar bechne ko kehte hain
.

Hum se Abdullah Bin Yusuf ne bayan kiya, unhon ne kaha ke hum ko Imam Malik ne khabar di, unhein Daud Bin Husain ne, unhein Ibn Abi Ahmad ke ghulam Abu Sufyan ne aur unhein Abu Saeed Khudri (Radi Allahu Anhu) ne ke Rasul Allah (Sallallahu Alaihi Wasallam) ne muzabana aur muhaqala se mana farmaya, muzabana darakht par lagi khajoor, torri hui khajoor ke badle mein khareedne ko kehte hain
.

Hum se Musaddad ne bayan kiya, kaha ke hum se Muawiya ne bayan kiya, un se Shaibani ne, un se Ikrima ne aur un se Ibn Abbas (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne muhaqala aur muzabana se mana farmaya
.

Hum se Abdullah Bin Muslimah ne bayan kiya, kaha ke hum se Imam Malik ne bayan kiya, un se Nafay ne, un se Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne sahib-e-ariya ko is ki ijazat di ke apna ariya is ke andaze barabar mewe ke badal bech daale
.