Aur Abu Hameed ne apne saathiyon ke saamne byaan kiya ke Nabi Karim salla Allahu alaihi wasallam ne ruku kiya , phir apni peeth poori tarah jhuka di .

Hum se Badal bin Muhabbir ne byaan kiya , unhon ne kaha ke hum se Shubah ne byaan kiya , unhon ne kaha ke Mujhe Hukm ne Ibn Abi Layla se khabar di , unhon ne Bara bin Aazib razi Allahu anhu se , unhon ne batlaya ke Nabi Karim salla Allahu alaihi wasallam ke ruku o sujood , donon sajdon ke darmiyan ka waqfa aur jab ruku se sar uthate to taqreeban sab barabar thay . Siwa qiyam aur tashahhud ke qaud ke .

Hum se Abdullah bin Yusuf Taneesi ne byaan kiya , unhon ne kaha ke hamein Imam Malik ne Sami se khabar di , unhon ne Abu Saleh Zakwan ke wastay se byaan kiya , unhon ne Abu Hurayrah razi Allahu anhu se ke Nabi Karim salla Allahu alaihi wasallam ne farmaya ke jab imam «sami Allahu liman hamidah» kahe to tum «Allahumma rabbana wa lakal hamd» kaho . Kyunke jis ka yeh kehna farishton ke kehne ke saath ho ga , us ke pichhle tamam gunah bakhsh diye jayen ge.

Hum se Muaz bin Fadalaa ne byaan kiya , unhon ne Hisham Dastuwai se , unhon ne Yahya bin Abi Kathir se , unhon ne Abu Salamah se , unhon ne Abu Hurayrah razi Allahu anhu se , unhon ne kaha ke lo main tumhein Nabi Karim salla Allahu alaihi wasallam ki namaaz ke qareeb qareeb kar doon ga . Chunanchay Abu Hurayrah razi Allahu anhu , Zuhr , Isha aur subah ki aakhri rakaton mein qunoot parhaya karte thay . «Sami Allahu liman hamidah» ke baad . Yani momineen ke haq mein dua karte aur kuffar par lanat bhejte .

Hum se Abdullah bin Abi al-Aswad ne byaan kiya , unhon ne kaha ke hum se Ismail bin Aliyah ne byaan kiya , unhon ne Khalid bin Haza se byaan kiya , unhon ne Abu Qilabah (Abdullah bin Zaid) se , unhon ne Anas razi Allahu anhu se ke Aap ne farmaya ke dua qunoot Fajr aur Maghrib ki namazon mein parhi jati hai .

Hum se Abdullah bin Maslamah Qanabi ne byaan kiya Imam Malik razi Allahu anhu se , unhon ne Naeem bin Abdullah Mujammar se , unhon ne Ali bin Yahya bin Khallad Zurqi se , unhon ne apne baap se , unhon ne Rifaa bin Rafi Zurqi se , unhon ne kaha ke hum Nabi Karim salla Allahu alaihi wasallam ki iqtida mein namaaz parh rahe thay . Jab Aap ruku se sar uthate to «sami Allahu liman hamidah» kehtay . Ek shakhs ne peeche se kaha «rabbana wa lakal hamd , hamdan katheeran tayyiban mubarakan feehi» Aap salla Allahu alaihi wasallam ne namaaz se farigh ho kar darkhwast farmaya ke kis ne yeh kalimat kahe hain , us shakhs ne jawab diya ke main ne . Is par Aap salla Allahu alaihi wasallam ne farmaya ke main ne tees se zyada farishton ko dekha ke un kalimat ko likhne mein woh ek doosre par sabqat le jana chahte thay .

Aur Abu Hameed razi Allahu anhu ne farmaya ke Nabi Karim salla Allahu alaihi wasallam ne (ruku se) sar uthaya to seedhe is tarah kharay ho gaye ke peeth ka har jod apni jagah par aa gaya .

Hum se Abul Waleed ne byaan kiya , kaha ke hum se Shubah ne Thabit Banani se byaan kiya , unhon ne kaha ke Anas razi Allahu anhu hamein Nabi Karim salla Allahu alaihi wasallam ki namaaz ka tareeqa batlate thay . Chunanchay Aap salla Allahu alaihi wasallam namaaz parhte aur jab apna sar ruku se uthate to itni der tak kharay rehte ke hum sochne lagte ke Aap salla Allahu alaihi wasallam bhool gaye hain .

Hum se Abul Waleed Hisham bin Abdul Malik ne byaan kiya , kaha ke hum se Shubah ne Hukm se byaan kiya , unhon ne Ibn Abi Layla se , unhon ne Bara bin Aazib razi Allahu anhu se , unhon ne kaha ke Nabi Karim salla Allahu alaihi wasallam ke ruku , sajda , ruku se sar uthate waqt aur donon sajdon ke darmiyan ka baithna taqreeban barabar hota tha .

Hum se Sulayman bin Harb ne byaan kiya , unhon ne kaha ke hum se Hammad bin Zaid ne byaan kiya , unhon ne Ayyub Sakhtiyani se , unhon ne Abu Qilabah se ke Malik bin Huwayrith razi Allahu anhu hamein (namaaz parh kar) dikhaate ke Nabi Karim salla Allahu alaihi wasallam kis tarah namaaz parhte thay aur yeh namaaz ka waqt nahi tha . Chunanchay Aap (ek marteba) kharay huay aur poori tarah kharay rahe . Phir jab ruku kiya aur poori itminan ke saath sar uthaya tab bhi thori der seedhe kharay rahe . Abu Qilabah ne byaan kiya ke Malik razi Allahu anhu ne hamare us Shaykh Abu Yazid ki tarah namaaz parhayi . Abu Yazid jab doosre sajde se sar uthate to pehle achhi tarah baith lete phir kharay hote .