Hum se Abdul Aziz bin Abdullah ne bayan kiya , unhon ne kaha hum se Ibrahim bin Saad ne bayan kiya , unhon ne Saleh se yeh hadees bayan ki , unhon ne Ibn Shihab se , unhon ne kaha mujh se Ata bin Yazid Jundai Laithi ne bayan kiya ke unhon ne Abu Saeed Khudri raziyallahu anhu se suna . Unhon ne farmaya ke mein ne Nabi Karim salla Allahu alaihi wa sallam se suna , aap salla Allahu alaihi wa sallam farma rahe thay ke fajr ki namaz ke baad koi namaz sooraj ke buland hone tak na parhi jaye , isi tarah asr ki namaz ke baad sooraj doobne tak koi namaz na parhi jaye .

Hum se Hafs bin Umar ne bayan kiya , unhon ne kaha hum se Hisham Dastawai ne bayan kiya , unhon ne Qatada bin Diama se , unhon ne Abul Aliya Rafi se , unhon ne Ibn Abbas raziyallahu anhuma se farmaya ke mere samne chand mutabar hazrat ne gawahi di , jin mein sab se zyada mutabar mere nazdeek Umar raziyallahu anhu thay , ke Nabi Karim salla Allahu alaihi wa sallam ne fajr ki namaz ke baad sooraj buland hone tak aur asr ki namaz ke baad sooraj doobne tak namaz parhne se mana farmaya . Hum se Musaddad bin Musarhad ne bayan kiya , kaha hum se Yahya bin Saeed Qattan ne Shoba se , unhon ne Qatada se ke mein ne Abul Aliya se suna , woh Ibn Abbas raziyallahu anhuma se bayan karte thay ke unhon ne farmaya ke mujh se chand logon ne yeh hadees bayan ki . Jo pehle zikr hui .

Urwah ne kaha mujh se Abdullah bin Umar raziyallahu anhuma ne bayan kiya ke Rasool Allah salla Allahu alaihi wa sallam ne farmaya ke jab sooraj ka upar ka kinara tulu hone lage to namaz na parho yahan tak ke woh buland ho jaye . Aur jab sooraj doobne lage is waqt bhi namaz na parho , yahan tak ke ghuroob ho jaye . Is hadees ko Yahya bin Saeed Qattan ke sath Abdah bin Sulaiman ne bhi riwayat kiya hai .

Hum se Abdullah bin Yusuf Tinnisi ne bayan kiya , ke kaha humein Imam Malik ne Nafi se khabar di , unhon ne Ibn Umar raziyallahu anhuma se ke Rasool Allah salla Allahu alaihi wa sallam ne farmaya , koi tum mein se intizar mein na baitha rahe ke sooraj tulu hote hi namaz ke liye khara ho jaye , isi tarah sooraj ke doobne ke intizar mein bhi na rehna chahiye .

Hum se Muhammad bin Salam ne bayan kiya , unhon ne kaha ke hum se Abdah ne bayan kiya , unhon ne Ubaidullah se khabar di , unhon ne Khubaib se , unhon ne Hafs bin Aasim se , unhon ne Abu Hurairah raziyallahu anhu se ke Nabi Karim salla Allahu alaihi wa sallam ne do waqt namaz parhne se mana farmaya , namaz fajr ke baad sooraj nikalne tak aur namaz asr ke baad sooraj ghuroob hone tak .

Hum se Abul Numan Muhammad bin Fazl ne bayan kiya , kaha hum se Hammad bin Zaid ne Ayyub se kaha , unhon ne Nafi se , unhon ne Ibn Umar raziyallahu anhuma se , aap ne farmaya ke jis tarah mein ne apne sathiyon ko namaz parhte dekha , mein bhi isi tarah namaz parta hun , kisi ko rokta nahi . Din aur raat ke jis hissay mein ji chahe namaz parh sakta hai , albatta sooraj ke tulu aur ghuroob ke waqt namaz na parha karo .

Hum se Hafs bin Umar ne byaan kiya , kaha ke hum se Shubah ne byaan kiya , unhon ne kaha ke mujhe Abdul Malik ne Qazah se khabar di , unhon ne kaha ke mein ne Abu Saeed razi Allahu anhu se chaar baatein sunein aur unhon ne batlaya ke mein ne unhein Nabi Karim salla Allahu alaihi wasallam se suna tha , Aap ne Nabi Karim salla Allahu alaihi wasallam ke saath barah jihad kiye thay .

Hum se Abul Waleed ne byaan kiya , unhon ne kaha ke hum se Shubah ne byaan kiya , un se Abdul Malik bin Umair ne byaan kiya , unhon ne Ziyad ke ghulam Qazah se suna , unhon ne byaan kiya ke mein ne Abu Saeed Khudri razi Allahu anhu ko Rasool Allah salla Allahu alaihi wasallam ke hawala se chaar hadeesein byaan karte huay suna jo mujhe bohat pasand aayin . Aap salla Allahu alaihi wasallam ne farmaya ke aurat apne shauhar ya kisi zi-reham mahram ke baghair do din ka bhi safar na kare aur doosri yeh ke Eid-ul-Fitr aur Eid-ul-Adha donon din roze na rakhe jayein . Teesri baat yeh ke subah ki namaaz ke baad sooraj ke nikalne tak aur Asar ke baad sooraj chhupne tak koi nafl namaaz na parhi jaye . Chauthi yeh ke teen masjidon ke siwa kisi ke liye kajaaway na baandhay jayein . Masjid al-Haram , Masjid al-Aqsa aur meri masjid (yani Masjid Nabwi) .

Hum se Ibrahim Bin Al-Munzir ne bayan kiya, kaha ke hum se Abu Zamrah ne bayan kiya, kaha ke hum se Musa Bin Uqbah ne bayan kiya, un se Nafi ne ke Abdullah Bin Umar (Radi Allahu Anhuma) ne farmaya, mein ne Nabi Kareem (Sallallahu Alaihi Wasallam) se suna hai. Aap (Sallallahu Alaihi Wasallam) sooraj tulu hote aur ghuroob hote waqt namaz parhne se rokte thay
.

Hum se Sulaiman Bin Harb ne bayan kiya, kaha ke hum se Shuba ne, un se Abdul Malik Bin Umar ne, un se Ziyad ke ghulam Qaz'ah ne, unhon ne bayan kiya ke mein ne Abu Saeed Khudri (Radi Allahu Anhu) se suna jinhon ne Nabi Kareem (Sallallahu Alaihi Wasallam) ke sath barah jihad kiye thay. Wo kehte thay ke mein ne char baatein Nabi Kareem (Sallallahu Alaihi Wasallam) se suni theen ya ye ke wo ye char baatein Nabi Kareem (Sallallahu Alaihi Wasallam) se naqal karte aur kehte thay ke ye baatein mujhe intehai pasand hain ye ke koi aurat do din ka safar is waqt tak na kare jab tak is ke sath is ka shohar ya koi zhu-reham mahram na ho, na Eid-ul-Fitr aur Eid-ul-Adha ke roze rakhe jayein na Asr ki namaz ke baad ghuroob hone ke pehle aur na subah ki namaz ke baad sooraj nikalne se pehle koi namaz parhi jaye aur na teen masajid ke siwa kisi ke liye kajawe bandhe jayein Masjid-ul-Haram, meri Masjid aur Masjid-ul-Aqsa
.

Aur subah aur asr ke baad namaz parhne se (mana farmaya)
.

Hum se Hajjaj Bin Minhal ne bayan kiya, kaha ke hum se Shuba ne bayan kiya, un se Abdul Malik Bin Umair ne bayan kiya, kaha ke mein ne Qaz'ah se suna, unhon ne kaha ke mein ne Abu Saeed Khudri (Radi Allahu Anhu) se suna, aap Nabi Kareem (Sallallahu Alaihi Wasallam) ke sath barah jihadon mein shareek rahe thay. Unhon ne kaha ke mein ne Nabi Kareem (Sallallahu Alaihi Wasallam) se char baatein suni hain jo mujhe bahut hi pasand aayiein. Aap ne farmaya ke koi aurat do din (ya is se zyada) ke andaze ka safar is waqt tak na kare jab tak is ke sath is ka shohar ya koi aur mahram na ho. Aur Eid-ul-Fitr aur Eid-ul-Adha ke dinon mein roza rakhna jaiz nahi hai aur subah ki namaz ke baad sooraj nikalne tak aur asr ki namaz ke baad sooraj doobne tak koi namaz jaiz nahi aur chauthi baat ye ke teen masajid ke siwa aur kisi jagah ke liye «shadd-ul-rihal» safar na kiya jaye, ”Masjid-ul-Haram, Masjid-ul-Aqsa aur meri ye masjid (Masjid-e-Nabwi)
.

Aur namaz sooraj ke nikalne aur doobne ke waqt na parho, kyunke sooraj shaitan ke sarr ke ya shaitanon ke sarr ke dono konon ke beech mein se nikalta hai. Abdah ne kaha mein nahi janta Hisham ne shaitan ka sarr kaha ya shaitanon ka
.