Aur Abu Saeed Khudri razi Allahu anhune Nabi Karim salla Allahu alaihi wasallam se bayan kiya ke agar koi namaz parh raha ho aur doosra is ke samne se guzre to usay rokna chahiye aur agar woh na maane to is se lare woh shaytan hai . Aur Abu Saeed Khudri razi Allahu anhuaise ek shakhs se lar chuke hain .

Hum se Ismail ne bayan kiya , unhon ne kaha mujh se Imam Malik ne bayan kiya , in se Abd-ul-Rahman bin al-Qasim ne bayan kiya , in se un ke walid (Qasim bin Muhammad) ne bayan kiya aur in se Aisha razi Allahu anha ne bayan kiya ke Abu Bakr razi Allahu anhune kaha tumhari wajah se Nabi Karim salla Allahu alaihi wasallam aur sab logon ko rukna para jabke yahan pani bhi nahi hai . Chunanche woh mujh par sakht naraz huay aur apne hath se meri kookh mein mukka maarne lage magar main ne apne jism mein kisi qism ki harkat is liye nahi hone di ke Nabi Karim salla Allahu alaihi wasallam aaram farma rahe thay . Phir Allah Ta'ala ne tayammum ki aayat nazil ki .