Mujh se Ubayd bin Ismail ne byaan kiya, kaha hum se Abu Usamah ne byaan kiya, un se Hisham bin Urwah ne, un se un ke walid ne aur un se Aisha razi Allahu anha ne byaan kiya ke unhon ne (apni behen) Asmaa razi Allahu anha se ek haar aariyatan le liya tha, raste mein woh gum ho gaya to Rasool Allah salla Allahu alaihi wasallam ne apne sahabah mein se kuch aadmiyon ko usay talash karne ke liye bheja. Talash karte huay namaz ka waqt ho gaya (aur pani nahi tha) is liye unhon ne wuzu ke baghair namaz parhi. Phir jab woh Nabi Karim salla Allahu alaihi wasallam ki khidmat mein wapas huay to Aap ke samne yeh shikwa kiya. Is par tayammum ki aayat nazil hui. Usayd bin Huzayr razi Allahu anhu ne kaha ke Ae Aisha! Allah tumhein behtar badla de. Wallah! Jab bhi Aap par koi mushkil aan parti hai to Allah Ta'ala ne tum se usay door kiya aur mazeed-bar-aan yeh ke Musalmanon ke liye barkat aur bhalayi hui.