Hum se Ishaq bin Ibrahim ne bayan kiya, kaha hum se Abdah bin Sulayman ne bayan kiya, kaha hum se Hisham bin Urwah ne, in se un ke walid ne aur in se Aisha razi Allahu anha ne bayan kiya ke Asmaa razi Allahu anha ka haar (jo Umm al-Momineen Aisha razi Allahu anha ne aariyat par liya tha) gum ho gaya to Nabi Karim salla Allahu alaihi wasallam ne usay talash karne ke liye chand sahabah ko bheja isi dauran mein namaz ka waqt ho gaya aur log bila wuzu (wuzu ke baghair) thay kyunke pani bhi maujood nahi tha, is liye sab ne bila wuzu namaz parhi phir Nabi Karim salla Allahu alaihi wasallam se is ka zikr kiya to tayammum ki aayat nazil hui. Ibn Numayr ne yeh izafa kiya, in se Hisham ne, in se un ke walid ne aur in se Aisha razi Allahu anha ne ke woh haar unhon ne Asmaa se aariyatan liya tha.