Hum se Abu al-Waleed ne bayan kiya , kaha hum se Layth bin Saad ne bayan kiya , in se Ibn Shihab ne , in se Urwah ne aur in se Aisha razi Allahu anha ne bayan kiya ke Saad bin Abi Waqqas aur Abd bin Zhama'a razi Allahu anhuma ne aapas mein (ek bache Abd-ur-Rahman naami mein) ikhtilaf kiya to Nabi Karim salla Allahu alaihi wasallam ne farmaya ”Abd bin Zhama'a! Bacha tu le le bacha isi ko mile ga jis ki jouru ya londi ke pait se woh paida hua aur Sawdah! tum is se parda kiya karo .“ Imam Bukhari rahmahullah ne kaha ke Qutaybah ne Layth se is zyada ke saath bayan kiya ke zhani ke hisse mein patthar ki saza hai .