Hum se Qutaiba ne bayan kiya, kaha ke hum se Liath ne bayan kiya, un se Ibn Shihab ne, un se Urwah ne, un se Aisha (Radi Allahu Anha) ne bayan kiya, ke Saad Bin Abi Waqqas aur Abd Bin Zam'ah (Radi Allahu Anhu) ka ek bacche ke baare mein jhagda hua. Saad (Radi Allahu Anhu) ne kaha ke ya Rasul Allah! ye mere bhai Utba Bin Abi Waqqas ka beta hai. Is ne wasiyat ki thi ke ye ab is ka beta hai. Aap khud mere bhai se is ki mushabahat dekh lein. Lekin Abd Bin Zam'ah (Radi Allahu Anhu) ne kaha ya Rasul Allah! ye to mera bhai hai. Mere baap ke bistar par paida hua hai. Aur is ki bandi ke peit ka hai. Nabi Kareem (Sallallahu Alaihi Wasallam) ne bacche ki soorat dekhi to saaf Utba se milti thi. Lekin Aap (Sallallahu Alaihi Wasallam) ne yehi farmaya ke Ae Abd! ye baccha tere hi sath rahe ga, kyunke baccha firash ke tabay hota hai aur zani ke hissa mein sirf patthar hai aur Ae Sauda Bint Zam'ah! is larke se to parda kiya kar, chunanche Sauda (Radi Allahu Anha) ne phir usay kabhi nahi dekha
.