Hum se Yahya Bin Bukair ne bayan kiya, kaha hum se Laith ne bayan kiya, un se Aqeel ne, un se Ibn Shihab ne, un se Abdur Rahman Bin Abdullah Bin Kaab ne aur un se Abdullah Bin Kaab ne bayan kiya ke mein ne Kaab Bin Malik (Radi Allahu Anhu) se suna, aap Ghazwa-e-Tabook mein apne peeche reh jane ka waqia bayan kar rahe thay. Unhon ne bayan kiya ke phir mein ne (toubah qabool hone ke baad) hazir ho kar Rasul Allah (Sallallahu Alaihi Wasallam) ko salam kiya to chehra mubarak masarrat-o-khushi se chamak raha tha. Jab bhi Nabi Kareem (Sallallahu Alaihi Wasallam) kisi baat par masroor hote to chehra mubarak chamak uthta, aisa maloom hota jaise chand ka tukra ho aur aap (Sallallahu Alaihi Wasallam) ki khushi ko hum isi se pehchan jate thay
.