Hum se Abu Al-Walid ne bayan kiya kaha hum se Shuba ne bayan kiya un se Amash ne bayan kiya ke mein ne Abu Wail se suna unhon ne bayan kiya ke mein ne Abdullah Bin Masood (Radi Allahu Anhu) se suna wo kehte thay ke Nabi Kareem (Sallallahu Alaihi Wasallam) ne ek martaba maal taqseem kiya ek shakhs ne kaha ke ye ek aisi taqseem hai jis mein Allah ki raza joi ka koi lihaz nahi kiya gaya. Mein ne Nabi Kareem (Sallallahu Alaihi Wasallam) ki khidmat mein hazir ho kar Aap ko is ki khabar di. Aap (Sallallahu Alaihi Wasallam) ghussa hue aur mein ne Aap (Sallallahu Alaihi Wasallam) ke chehra mubarak par ghusse ke aasar dekhe. Phir farmaya Allah Ta'ala Musa (Alaihis Salam) par raham farmaye un ko is se bhi zyada takleef di gayi thi magar unhon ne sabar kiya