Aur isi surat mein «mutabbarun» ke maani tabahi nuqsan. Surah Bani Israel mein «walitubbiru» ka maani kharab karein. «ma alau» ka maani jis jagah hukoomat payein ghalib hon

Hum se Yahya Bin Bukair ne bayan kiya kaha hum se Laith ne bayan kiya un se Yunus ne un se Ibn Shihab ne un se Abu Salamah Bin Abdur Rahman ne aur un se Jabir Bin Abdullah (Radi Allahu Anhuma) ne bayan kiya ke (ek martaba) hum Rasul Allah (Sallallahu Alaihi Wasallam) ke sath (safar mein) peelu ke phal torne lage. Aap (Sallallahu Alaihi Wasallam) ne farmaya ke jo siyah hon unhein toro kyunke wo zyada lazeez hota hai. Sahaba (Ridwanullahi Alaihim Ajmaeen) ne arz kiya: Kya aap ne kabhi bakriyan charayi hain? Aap (Sallallahu Alaihi Wasallam) ne farmaya ke koi Nabi aisa nahi guzra jis ne bakriyan na charayi hon