Hum se Abu Numan ne bayan kiya, kaha hum se Hammad Bin Zaid ne bayan kiya, un se Abu Hamza Dhabai ne bayan kiya, unhon ne Ibn Abbas (Radi Allahu Anhuma) se suna, wo bayan karte thay ke qabile Abdul Qais ka wafad (darbar-e-risalat mein) hazir hua aur arz ki Ya Rasul Allah! Hamara talluq qabile Rabia se hai aur qabile Muzar ke kuffar hamare aur aap ke beech mein baste hain. (Is liye un ke khatre ki wajah se hum log) Aap ki khidmat mein sirf adab wale mahinon mein hazir ho sakte hain. Aap humein koi aisa wazeh hukm farma dein jis par hum khud bhi mazbooti se qaim rahein aur jo log hamare sath nahi aa sake hain unhein bhi bata dein. Aap (Sallallahu Alaihi Wasallam) ne farmaya mein tumhein char cheezon ka hukm deta hoon aur char cheezon se rokta hoon (mein tumhein hukm deta hoon) Allah par iman lane ka ke Allah ke siwa aur koi maboud nahi aur Aap (Sallallahu Alaihi Wasallam) ne apne hath ko girah lagayi, namaz qaim karne ka, zakat dene ka, Ramzan ke roze rakhne ka, aur is baat ka ke jo kuch bhi tumhein ghaneemat ka mal mile. Is mein panchwan hissa (khums) Allah ke liye nikal do aur tumhein mein Dubba, Naqeer, Hantam aur Muzaffat ke istemal se rokta hoon
.