Hum se Abdullah Bin Usman Bin Jabala ne bayan kiya, unhon ne kaha ke mujhe mere baap ne khabar di Shuba se, un se Salama ne bayan kiya ke mein ne Abu Salama se suna aur un se Abu Hurairah (Radi Allahu Anhu) ne kaha ke ek shaks ka Rasul Allah (Sallallahu Alaihi Wasallam) par qarz tha (us ne sakhti ke sath taqaza kiya) to Sahaba is ki taraf barhe. Lekin Aap (Sallallahu Alaihi Wasallam) ne farmaya ise chor do, haq wale ko kuch na kuch kehne ki gunjaish hoti hi hai. Phir Aap (Sallallahu Alaihi Wasallam) ne farmaya ke is ke liye ek ont usi ke ont ki umar ka khareed kar ise de do. Sahaba ne arz kiya ke is se acchi umar ka hi ont mil raha hai. Aap (Sallallahu Alaihi Wasallam) ne farmaya ke isi ko khareed kar de do ke tum mein sab se accha aadmi wo hai jo qarz ke ada karne mein sab se accha ho
.