Mujh se Abd-ul-Aziz bin Abdullah ne bayan kiya , unhon ne kaha ke mujh se Ibrahim bin Saad ne bayan kiya , in se Abu Salamah bin Abd-ur-Rahman ne aur Abd-ur-Rahman al-Aaraj ne bayan kiya , in donon ne bayan kiya ke Abu Hurairah razi Allahu anhu ne farmaya ke do aadmiyon ne aapas mein gaali-galouch ki . Jin mein se ek Musalman tha aur doosra Yahudi thu . Musalman ne kaha ke is Parvardigar ki qasam jis ne Muhammad salla Allahu alaihi wasallam ko tamam jahan par barguzida kiya . Yahudi ne kaha ke is Parvardigar ki qasam jis ne Musa alaihissalam ko tamam jahan par barguzida kiya . Rawi ne bayan kiya ke Musalman Yahudi ki baat sun kar khafa ho gaya aur is ke munh par ek tamancha raseed kiya . Woh Yahudi Rasool Allah salla Allahu alaihi wasallam ke paas gaya aur Nabi Karim salla Allahu alaihi wasallam se apna aur Musalman ka saara waqia bayan kiya . Nabi Karim salla Allahu alaihi wasallam ne farmaya ”dekho Musa alaihissalam par mujhko fazeelat mat do kyunke Qayamat ke din aisa ho ga ke soor phoonkte hi tamam log be-hosh ho jayein ge aur main sab se pehla shakhs hoon ga jise hosh aaye ga . Main kiya dekhoon ga ke Musa alaihissalam arsh e Ilaahi ka kona thaame huay hain . Mujhe nahi maloom ki Musa alaihissalam bhi in logon mein hon ge jo be-hosh huay thay aur phir mujh se pehle hi hosh mein aa gaye thay ya in mein se hon ge jinhein Allah Ta'ala ne is se mustas-na kar diya .“

Hum se Abu al-Yaman ne bayan kiya , kaha hum ko Shuayb ne khabar di , kaha hamase Abu al-Zinad ne , in se Aaraj ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ke be-hoshi ke waqt tamam log be-hosh ho jayein ge aur sab se pehle uthne wala main hoon ga . Is waqt Musa alaihissalam arsh e Ilaahi ka kona thaame hon ge . Ab main nahi jaanta ke woh be-hosh bhi hon ge ya nahi . Is hadees ko Abu Saeed Khudri razi Allahu anhu ne bhi Nabi Karim salla Allahu alaihi wasallam se riwayat kiya hai .

Is amar ko Nafi ne Ibn Umar razi Allahu anhuma se riwayat kiya hai aur unhon ne Nabi Karim salla Allahu alaihi wasallam se .

Hum se Muqatil Marwazi ne bayan kiya , kaha hum ko Abdullah bin Mubarak ne khabar di , kaha hum ko Yunus bin Yazid Aili ne khabar di , unhein Zuhri ne , kaha mujh se Saeed bin al-Musayyab ne bayan kiya aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”Allah Ta'ala zameen ko apni mut-thi mein le le ga aur aasmanon ko apne dayein hath mein lapeit le ga , phir farmaye ga ke ab main hoon badshah , aaj zameen ke badshah kahan gaye ?“

Hum se Yahya bin Bukayr ne bayan kiya , unhon ne kaha hum se Layth bin Saad ne bayan kiya , in se Khalid bin Yazid ne , in se Saeed bin Abi Hilal ne , in se Zayd bin Aslam ne , in se Ata bin Yasar ne aur in se Abu Saeed Khudri razi Allahu anhu ne bayan kiya ke Nabi Karim salla Allahu alaihi wasallam ne farmaya ”Qayamat ke din saari zameen ek roti ki tarah ho jaye gi jise Allah Ta'ala ahal e jannat ki mezbani ke liye apne hath se ulte palte ga jis tarah tum dastar-khwan par roti lehrate phirate ho . Phir ek Yahudi aaya aur bola: Abu al-Qasim! Tum par Rahman barkat nazil kare kiya main tumhein Qayamat ke din ahal e jannat ki sab se pehli zhiyafat ke baare mein khabar na doon ? Aap salla Allahu alaihi wasallam ne farmaya , kyun nahi . To us ne (bhi yahi) kaha ke saari zameen ek roti ki tarah ho jaye gi jaisa ke Nabi Karim salla Allahu alaihi wasallam ne farmaya thu . Phir Nabi Karim salla Allahu alaihi wasallam ne hamari taraf dekha aur muskuraye jis se Aap ke aage ke daant dikhayi dene lage . Phir (is ne) khud hi poochha kiya main tumhein is ke saalan ke mutalliq khabar na doon ? (phir khud hi) bola ke in ka saalan «baalamun wa noonun» ho ga . Sahabah razi Allahu anhum ne kaha ke yeh kiya cheez hai ? Is ne kaha ke bail aur machhli jis ki kaleji ke saath zaaid charbi ke hisse ko sattar hazar aadmi khayein ge .

Hum se Saeed bin Abu Maryam ne bayan kiya , unhon ne kaha hum ko Muhammad bin Jafar ne khabar di , unhon ne kaha ke mujh se Abu Hazim Salama bin Dinar ne bayan kiya , unhon ne kaha ke main ne Sahl bin Saad al-Saadi razi Allahu anhu se suna kaha ke main ne Nabi Karim salla Allahu alaihi wasallam se suna , Nabi Karim salla Allahu alaihi wasallam ne farmaya ”Qayamat ke din logon ka hashr sufaid wa surkhi-aameez zameen par ho ga jaise maida ki roti saaf wa sufaid hoti hai . Is zameen par kisi (cheez) ka koi nishan na ho ga .“

Hum se Mualla bin Asad ne bayan kiya , kaha hum se Wuhaib bin Khalid ne bayan kiya , in se Abdullah bin Taoos ne , in se in ke walid Taoos ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”logon ka hashr teen firqon mein ho ga (ek firqa wale) log raghbat karne neiz daraanay wale hon ge . (doosra firqa aise logon ka ho ga ke) ek oont par do aadmi sawar hon ge kisi oont par teen hon ge , kisi oont par chaar hon ge aur kisi par das hon ge . Aur baaqi logon ko aag jama kare gi (ahal e shirk ka yeh teesra firqa ho ga) jab woh qailula karein ge to aag bhi in ke saath thehri ho gi jab woh raat guzarein ge to aag bhi in ke saath wahan thehri ho gi jab woh subah karein ge to aag bhi subah ke waqt wahan maujood ho gi aur jab woh shaam karein ge to aag bhi shaam ke waqt in ke saath maujood ho gi .“

Hum se Abdullah bin Muhammad ne bayan kiya , kaha hum se Yunus bin Muhammad Baghdadi ne bayan kiya , kaha hum se Shayban Nahwi ne bayan kiya , kaha in se Qatadah ne , kaha hamase Anas bin Malik razi Allahu anhu ne bayan kiya ke ek sahabi ne kaha , Ae Allah ke Nabi! Qayamat mein kafiron ko in ke chehre ke bal kis tarah hashr kiya jaye ga . Nabi Karim salla Allahu alaihi wasallam ne farmaya ke woh zaat jis ne unhein duniya mein do paon par chalaya usay is par qudrat nahi hai ke Qayamat ke din unhein chehre ke bal chala de . Qatadah razi Allahu anhu ne kaha ke zaroor hai , hamare Rabb ki izzat ki qasam , beshak woh munh ke bal chala sakta hai .

Hum se Ali bin Abdullah Madini ne bayan kiya , kaha hum se Sufyan bin Uyaynah ne bayan kiya ke Amr bin Dinar ne kaha ke main ne Saeed bin Jubayr se suna , unhon ne Ibn Abbas razi Allahu anhuma se suna aur unhon ne Nabi Karim salla Allahu alaihi wasallam se suna , Aap salla Allahu alaihi wasallam ne farmaya ”tum Allah se Qayamat ke din nange paon , nange badan aur paidal chal kar bin khatna milo ge .“ Sufyan ne kaha ke yeh hadees in (nau ya das hadeeson) mein se hai jin ke mutalliq hum samajhte hain ke Ibn Abbas razi Allahu anhuma ne khud in ko Nabi Karim salla Allahu alaihi wasallam se suna .

Hum se Qutaybah bin Saeed ne bayan kiya , unhon ne kaha hum se Sufyan bin Uyaynah ne bayan kiya , in se Amr bin Dinar ne bayan kiya , in se Saeed bin Jubayr ne , in se Abdullah bin Abbas razi Allahu anhuma ne bayan kiya ke main ne Nabi Karim salla Allahu alaihi wasallam se suna ke Aap mimbar par khutba mein farma rahe thay ke tum Allah Ta'ala se is haal mein milo ge ke nange paon , nange jism aur baghair khatna ho ge .