Hum se Musaddad Bin Masrahad ne bayan kiya, kaha hum se Yahya Bin Saeed Qattan ne bayan kiya, un se Ubaidullah Umri ne bayan kiya, un se Nafi ne aur un se Abdullah Bin Umar (Radi Allahu Anhuma) ne Nabi Kareem (Sallallahu Alaihi Wasallam) ke hawala se. (doosri sanad) aur mujh se Muhammad Bin Sabah ne bayan kiya, kaha hum se Ismail Bin Zakariya ne bayan kiya, un se Ubaidullah ne, un se Nafi ne, un se Ibn Umar (Radi Allahu Anhuma) ne ke Nabi Kareem (Sallallahu Alaihi Wasallam) ne farmaya "(Khaleefa-e-waqt ke ahkaam) sunna aur unhein baja lana (har musalman ke liye) wajib hai, jab tak ke gunah ka hukm na diya jaye. Agar gunah ka hukm diya jaye to phir na ise sunna chahiye aur na is par amal karna chahiye."
.

Hum se Abul Yaman ne bayan kiya, hum ko Shuaib ne khabar di, kaha hum se Abul Zinad ne bayan kiya, un se Aaraj ne bayan kiya aur unhon ne Abu Hurairah (Radi Allahu Anhu) se suna, unhon ne Nabi Kareem (Sallallahu Alaihi Wasallam) se suna, aap (Sallallahu Alaihi Wasallam) farmate thay ke "Hum log go duniya mein sab se peeche aaye lekin (aakhirat mein) jannat mein sab se aage honge."
.

Aur isi sanad ke sath riwayat hai ke jis ne meri itaat ki us ne Allah ki itaat ki aur jis ne meri nafarmani ki us ne Allah ki nafarmani ki aur jis ne ameer ki itaat ki us ne meri itaat ki aur jis ne ameer ki nafarmani ki, us ne meri nafarmani ki. Imam ki misal dhaal jaisi hai ke is ke peeche reh kar is ki aar mein (yani is ke sath ho kar) jung ki jati hai. Aur isi ke zariya (dushman ke hamla se) bacha jata hai, pas agar imam tumhein Allah se darte rehne ka hukm de aur insaf kare is ka sawab ise mile ga, lekin agar be-insafi kare ga to is ka wabal is par hoga
.

Aur baaz ne kaha ke maut par (bai'at ki) kyunke Allah paak ne Surah Al-Fatah mein farmaya «lqd rzy allh en almwmny n iz ybayewnk tht alshjrh» "Beshak Allah musalmanon se raazi ho chuka hai jab wo darakht (Shajrat-ul-Ridwan) ke neeche tere hath par bai'at kar rahe thay."
.

Hum se Musa Bin Ismail ne bayan kiya, kaha hum se Juvairiah ne bayan kiya, un se Nafi ne aur un se Abdullah Bin Umar (Radi Allahu Anhuma) ne ke (Sulh-e-Hudaibiyah ke baad) jab hum doosre saal phir aaye, to hum mein se (jinhon ne sulh-e-Hudaibiyah ke mauqe par aap (Sallallahu Alaihi Wasallam) se bai'at ki thi) do shakhs bhi is darakht ki nishandahi par muttafiq nahi ho sake. Jis ke neeche hum ne Rasul Allah (Sallallahu Alaihi Wasallam) se bai'at ki thi aur ye sirf Allah ki rahmat thi. Juvairiah ne kaha, mein ne Nafi se poocha, aap (Sallallahu Alaihi Wasallam) ne sahaba se kis baat par bai'at ki thi, kya maut par li thi? Farmaya ke nahi, balke sabr o istaqamat par bai'at li thi
.

Hum se Musa Bin Ismail ne bayan kiya, kaha hum se Wahb ne bayan kiya, kaha hum se Amr Bin Yahya ne, un se Abbad Bin Tamim ne aur un se Abdullah Bin Zaid (Radi Allahu Anhu) ne bayan kiya ke Harrah ki larayi ke zamana mein ek sahab un ke paas aaye aur kaha ke Abdullah Bin Hanzala logon se (Yazid ke khilaf) maut par bai'at le rahe hain. To unhon ne kaha ke Rasul Allah (Sallallahu Alaihi Wasallam) ke baad ab mein maut par kisi se bai'at nahi karun ga
.

Hum se Makki Bin Ibrahim ne bayan kiya, kaha hum se Yazid Bin Abi Ubaid ne bayan kiya, aur un se Salama Bin Al-Akwa ne bayan kiya (Hudaibiyah ke mauqe par) mein ne Rasul Allah (Sallallahu Alaihi Wasallam) se bai'at ki. Phir ek darakht ke saye mein aa kar khara ho gaya. Jab logon ka hujoom kam hua to Nabi Kareem (Sallallahu Alaihi Wasallam) ne daryaft kiya, Ibn-ul-Akwa kya bai'at nahi karo ge? Unhon ne kaha ke mein ne arz kiya, ya Rasul Allah! Mein to bai'at kar chuka hoon. Aap (Sallallahu Alaihi Wasallam) ne farmaya, dobara aur bhi! Chunancha mein ne dobara bai'at ki (Yazid Bin Abi Ubaidullah kehte hain ke) mein ne Salama Bin Al-Akwa (Radi Allahu Anhu) se poocha, Abu Muslim is din aap hazrat ne kis baat par bai'at ki thi? Kaha ke maut par
.

Hum se Hafs Bin Umar ne bayan kiya. Kaha hum se Shuba ne bayan kiya, un se Humaid ne bayan kiya aur unhon ne Anas (Radi Allahu Anhu) se suna. Aap bayan karte thay ke Ansar khandaq khodte hue (Ghazwah-e-Khandaq ke mauqe par) kehte thay «nhn alzyn bayew mhmda ely aljhad ma hyyna abda» "Hum wo log hain jinhon ne Muhammad (Sallallahu Alaihi Wasallam) se jihad par bai'at ki hai hamesha ke liye, jab tak hamare jism mein jaan hai."
.

Hum se Ishaq Bin Ibrahim ne bayan kiya, unhon ne Muhammad Bin Fudail se suna, unhon ne Aasim se, unhon ne Abu Usman Nahdi se, aur un se Mujashia Bin Masood Sulami (Radi Allahu Anhu) ne bayan kiya ke mein apne bhai ke sath (Fatah Makkah ke baad) Nabi Kareem (Sallallahu Alaihi Wasallam) ki khidmat mein hazir hua. Aur arz kiya ke hum se hijrat par bai'at le lijaiye. Nabi Kareem (Sallallahu Alaihi Wasallam) ne farmaya ke hijrat to (Makkah ke fatah hone ke baad, wahan se) hijrat kar ke aane walon par khatam ho gayi. Mein ne arz kiya, phir aap hum se kis baat par bai'at leinge? Aap (Sallallahu Alaihi Wasallam) ne farmaya ke Islam aur jihad par
.

Hum se Ishaq Bin Ibrahim ne bayan kiya, unhon ne Muhammad Bin Fudail se suna, unhon ne Aasim se, unhon ne Abu Usman Nahdi se, aur un se Mujashia Bin Masood Sulami (Radi Allahu Anhu) ne bayan kiya ke mein apne bhai ke sath (Fatah Makkah ke baad) Nabi Kareem (Sallallahu Alaihi Wasallam) ki khidmat mein hazir hua. Aur arz kiya ke hum se hijrat par bai'at le lijaiye. Nabi Kareem (Sallallahu Alaihi Wasallam) ne farmaya ke hijrat to (Makkah ke fatah hone ke baad, wahan se) hijrat kar ke aane walon par khatam ho gayi. Mein ne arz kiya, phir aap hum se kis baat par bai'at leinge? Aap (Sallallahu Alaihi Wasallam) ne farmaya ke Islam aur jihad par
.