Hum se Musa Bin Ismail ne bayan kiya kaha hum se Wuhaib ne bayan kiya kaha mujh se Abdullah Bin Taoos ne bayan kiya un se un ke walid ne aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Hum (duniya mein) tamam ummaton ke aakhir mein aaye lekin (qiyamat ke din) tamam ummaton se aage hon ge. Sirf itna farq hai ke unhein pehle kitab di gayi aur humein baad mein mili aur yehi wo (Jummah ka) din hai jis ke baare mein logon ne ikhtilaf kiya. Yahoodiyon ne to ise is ke doosre din (Hafta ko) kar liya aur Nasara ne teesre din (Itwar ko)
."

Hum se Abul Yamaan bayan kiya, kaha hum ko Sho’aib ne khabar di, kaha mujhe Abuz Zinaad ne khabar di ke un se Abdur Rahman bin Hurmuz Al-A’raj ne bayan kiya, unhon ne Abu Hurairah Radhiallahu Anhu se suna, unhon ne Rasoolullah Sallallahu Alaihi Wasallam se suna, Aap Sallallahu Alaihi Wasallam farmaate the ke hum (log) duniya mein pichle zamaane mein aaye hain (magar aakhirat mein) sab se aage hain.

Hum se Abul Yaman ne byaan kiya , kaha ke hamein Shoaib ne khabar di , kaha ke hum se Abuz Zinad ne byaan kiya , un se Rabiah bin Haarith ke ghulam Abdur Rahman bin Hurmuz Araj ne byaan kiya ke unhon ne Abu Hurayrah razi Allahu anhu se suna aur Aap razi Allahu anhu ne Nabi Karim salla Allahu alaihi wasallam se suna , Aap ne farmaya ke hum dunya mein tamam ummaton ke baad hone ke bawajood qiyamat mein sab se aage rahen ge farq sirf yeh hai ke kitaab unhein hum se pehle di gayi thi . Yahi (juma) un ka bhi din tha jo tum par farz hua hai . Lekin un ka is ke bare mein ikhtilaaf hua aur Allah Taala ne hamein yeh din bata diya is liye log is mein hamare tabi hon ge . Yahood doosre din hon ge aur Nasara teesre din .

Is hadees ki riwayat Aban bin Saleh ne Mujahid se ki hai , un se Taus ne , un se Abu Hurayrah razi Allahu anhu ne ke Nabi Karim salla Allahu alaihi wasallam ne farmaya ke Allah Taala ka har musalman par haq hai ke har saat din mein ek din (juma) ghusl kare .

Hum se Abul Yaman ne bayan kiya, hum ko Shuaib ne khabar di, kaha hum se Abul Zinad ne bayan kiya, un se Aaraj ne bayan kiya aur unhon ne Abu Hurairah (Radi Allahu Anhu) se suna, unhon ne Nabi Kareem (Sallallahu Alaihi Wasallam) se suna, aap (Sallallahu Alaihi Wasallam) farmate thay ke "Hum log go duniya mein sab se peeche aaye lekin (aakhirat mein) jannat mein sab se aage honge."
.

Mujh se Ishaq bin Ibrahim ne bayan kiya , kaha hum ko Abd-ul-Razzaq ne khabar di , kaha hum ko Mamar ne khabar di , in se Humam bin Munabbih ne bayan kiya ke yeh woh hadees hai jo hamase Abu Hurairah razi Allahu anhu ne bayan ki ke Nabi Karim salla Allahu alaihi wasallam ne farmaya ke ”hum aakhri ummat hain aur Qayamat ke din jannat mein sab se pehle dakhil hon ge .“

Hum se Abu al-Yaman ne bayan kiya, kaha hum ko Shuayb ne khabar di, kaha hum se Abu al-Zinad ne bayan kiya, in se Aaraj ne bayan kiya, unhon ne Abu Hurairah razi Allahu anhu se suna, bayan kiya ke unhon ne Rasool Allah salla Allahu alaihi wasallam se suna, Nabi Karim salla Allahu alaihi wasallam ne farmaya ke hum aakhri ummat hain lekin (Qayamat ke din) sab se aage rehne wale hain.

Aur Nabi Kareem صلی اللہ علیہ وسلم ne farmaya ”Mein soya hua tha ke zameen ke khazane mere paas laye gaye aur mere haath mein do sone ke kangan rakh diye gaye jo mujhe bahut shaaq guzre. Phir mujhe wahi ki gayi ke mein un par phoonk maroon mein ne phoonka to wo ud gaye. Mein ne un ki ta'beer do jhooton se li jin ke darmiyan mein mein hoon ek Sana'a ka aur doosra Yamama ka.“

`Hum se Abul Yaman ne bayan kiya, kaha hum ko Shuaib ne khabar di, kaha hum se Abuz Zinad ne bayan kiya, un se A'raj ne aur unhon ne Abu Hurairah Radi Allahu Anhu se suna, unhon ne Rasul Allah صلی اللہ علیہ وسلم se suna Aap صلی اللہ علیہ وسلم ne farmaya ”Go duniya mein hum sab se aakhri ummat hain lekin aakhirat mein sab se aage hon ge.“