Ek Sahabi Abu Waseed (Malik bin Rabiah) ne apne bete (Munzir) se farmaya beta to ne namaaz ko hum par lamba kar diya .

Hum se Muhammad bin Yusuf Faryabi ne byaan kiya , kaha ke hum se Sufyan Thauri ne byaan kiya Ismail bin Abi Khalid se , unhon ne Qais bin Abi Hazim se , unhon ne Abu Masood Ansari razi Allahu anhu se , Aap ne farmaya ke ek shakhs ne Rasool Allah salla Allahu alaihi wasallam se kaha ke ya Rasool Allah! main Fajr ki namaaz mein takheer kar ke is liye shareek hota hoon ke falan sahib Fajr ki namaaz bohot taweel kar dete hain . Is par Aap salla Allahu alaihi wasallam is qadar ghussa huay ke main ne naseehat ke waqt us din se zyada ghazab naak Aap salla Allahu alaihi wasallam ko kabhi nahi dekha . Phir Aap salla Allahu alaihi wasallam ne farmaya logo! tum mein baaz log (namaaz se logon ko) door karne ka baais hain . Pas jo shakhs imam ho usay halki namaaz parhni chahiye is liye ke us ke peeche kamzor , boorhe aur zaroorat wale sab hi hote hain .