Hum se Muhammad bin Yusuf ne bayan kiya, in se kaha hum se Sufyan bin Uyaynah ne bayan kiya, in se Zuhri ne bayan kiya, in se Ubaidullah bin Abdullah bin Utbah ne bayan kiya, in se Abu Hurairah aur Zayd bin Khalid Juhani razi Allahu anhu ne bayan kiya ke ek aadmi Rasool Allah salla Allahu alaihi wasallam ki khidmat mein aaya aur kaha ke main Aap ko Allah ki qasam deta hoon Aap hamare darmiyan Kitab-ullah ke mutabiq faisla kar dein. Is par fareeq e mukhalif khara hua, yeh zyada samajh-dar tha aur kaha ke unhon ne sach kaha. Hamara faisla Kitab-ullah ke mutabiq kijiye aur ya Rasool Allah! Mujhe (guftagu ki) ijazat dijiye. Nabi Karim salla Allahu alaihi wasallam ne farmaya kahiye. Unhon ne kaha ke mera larka in ke yahan mazdoori karta tha phir is ne in ki biwi ke saath zina kar liya. Main ne is ke fidya mein ek sau bakriyaan aur ek khadim diya phir main ne ahal e ilm se poochha to unhon ne mujhe bataya ke mere bete ko sau koray aur ek saal jala-watani ki saza milni chahiye aur is ki biwi ko rajm kiya jaye ga. Nabi Karim salla Allahu alaihi wasallam ne farmaya ke is zaat ki qasam jis ke hath mein meri jaan hai, main tumhara faisla Kitab-ullah ke mutabiq hi karoon ga. Sau bakriyaan aur khadim tumhein wapas milein ge aur tumhare bete ko sau koray aur ek saal jala-watani ki saza di jaye gi aur Ae Unais is aurat ke paas subah jaana aur is se poochhna agar woh zina ka iqrar kar le to usay rajm karna, is aurat ne iqrar kar liya aur woh rajm kar di gayi.