Hum se Ali bin Abdullah ne bayan kiya , kaha hum se Sufyan ne bayan kiya , kaha hum ne usay Zuhri se (sun kar) yaad kiya , unhon ne bayan kiya ke mujhe Ubaidullah ne khabar di , unhon ne Abu Hurairah aur Zayd bin Khalid raziAllahu anhuma se suna , unhon ne bayan kiya ke hum Nabi Karim salla Allahu alaihi wasallam ke paas thay to ek sahab khare huay aur kaha main Aap ko Allah kiqasam deta hoon Aap hamare darmiyan Allah kikitab se faisla karein . Is par is ka muqabil bhi khara ho gaya aur woh pehle se zyada samajh-dar thu , phir is ne kaha ke waqeyi Aap hamare darmiyan Kitab-ullah se hi faisla kijiye aur mujhe bhi guftagu ki ijazat dijiye . Nabi Karim salla Allahu alaihi wasallam ne farmaya ke kaho , is shakhs ne kaha ke mera beta is shakhs ke yahan mazdoori par kaam karta thu phir is ne is ki aurat se zina kar liya , main ne is ke fidya mein usay sau bakri aur ek khadim diya , phir main ne baaz ilm walon se poochha to unhon ne mujhe bataya ke meere larke par sau koray aur ek saal shehar-badar hone ki hadd wajib hai . Nabi Karim salla Allahu alaihi wasallam ne is par farmaya ke is zaat ki qasam jis ke hath mein meri jaan hai main tumhare darmiyan Kitab-ullah hi ke mutabiq faisla karoon ga . Sau bakriyaan aur khadim tumhein wapas hon ge aur tumhare bete ko sau koray lagaye jayein ge aur ek saal ke liye usay jala-watan kiya jaye ga aur Ae Unais! Subah ko is ki aurat ke paas jaana agar woh (zina ka) iqrar kar le to usay rajm kar do . Chunanche woh subah ko is ke paas gaye aur is ne iqrar kar liya aur unhon ne rajm kar diya . Ali bin Abdullah Madini kehte hain main ne Sufyan bin Uyaynah se poochha jis shakhs ka beta tha is ne yun nahi kaha ke in aalimon ne mujh se bayan kiya ke tere bete par rajm hai . Unhon ne kaha ke mujhko is mein shak hai ke Zuhri se main ne suna hai ya nahi , is liye main ne is ko kabhi bayan kiya kabhi nahi bayan kiya balkay sukoot kiya .