Hum se Aasim bin Ali ne bayan kiya , kaha hum se Ibn Abi Zhayb ne bayan kiya , in se Zuhri ne , in se Ubaidullah ne aur in se Abu Hurairah aur Zayd bin Khalid raziAllahu anhuma ne ke ek dehati Nabi Karim salla Allahu alaihi wasallam ke paas aane . Nabi Karim salla Allahu alaihi wasallam baithe huay thay . Unhon ne arz kiya: ya Rasool Allah! Hamare darmiyan Kitab-ullah ke mutabiq faisla kar dein . Is par doosre ne khare ho kar kaha ke unhon ne sahih kaha ya Rasool Allah! In ka Kitab-ullah ke mutabiq faisla karein , mera larka in ke yahan mazdoor thu aur phir is ne in ki biwi ke saath zina kar liya . Logon ne mujhe bataya ke meere larke ko rajm kiya jaye ga . Chunanche main ne sau bakriyon aur ek kaneez ka fidya diya . Phir main ne ahal e ilm se poochha to in ka khayal hai ke meere larke par sau koray aur ek saal ki jala-watani lazmi hai . Nabi Karim salla Allahu alaihi wasallam ne farmaya ke is zaat ki qasam jis ke hath mein meri jaan hai main tum donon ka faisla Kitab-ullah ke mutabiq karoon ga . Bakriyaan aur kaneez tumhein wapas milein gi aur tumhare larke ko sau koray aur ek saal ki jala-watani ki saza mile gi aur Unais! Subah is aurat ke paas jao (aur agar woh iqrar kare to) usay rajm kar do . Chunanche unhon ne usay rajm kiya . (woh aurat kahin aur jagah ku) Aap ne usay rajm karne ke liye Unais ko bheija isi se baab ka matlab nikla . Qastalani ne kaha ke Aap ne jo Unais ko fareeq e sani ki jouru ke paas bheija woh zina ki hadd maarne ke liye nahi bheija kyunke zina ki hadd lagane ke liye tajassus karna ya dhoondna bhi durust nahi hai agar koi khud aa kar bhi zina ka iqrar kare is ke liye bhi tafteesh karna mustahab hai yani yun kehna ke shayad tu ne bosa diya ho ga ya masaas kiya ho ga balkay Aap ne Unais ko sirf is liye bheija ke is aurat ko khabar kar dein ke falan shakhs ne tujh par zina ki tuhmat lagayi hai . Ab woh hadd e qazhf ka mutalba karti hai ya maaf karti hai . Jab Unais is ke paas pahunche to is aurat ne saaf taur par zina ka iqbal kiya . Is iqbal par Unais razi Allahu anhune is ko hadd lagayi aur rajm kiya .