Hum se Qutaybah ne bayan kiya , kaha hum se Ismail bin Jafar ne bayan kiya , in se Humayd ne aur in se Anas razi Allahu anhu ne ke Harisa bin Saraqa bin Haris razi Allahu anhu ki walda Rasool Allah salla Allahu alaihi wasallam ki khidmat mein hazir huien . Harisa Badr ki larayi mein ek na-maloom teer lag jaane ki wajah se shaheed ho gaye thay aur unhon ne kaha: ya Rasool Allah! Aap ko maloom hai ke Harisa se mujhe kitni mohabbat thi , agar woh jannat mein hai to is par main nahi ro-oon gi , warna Aap dekhein ge ke main kya karti hoon . Nabi Karim salla Allahu alaihi wasallam ne in se farmaya ke be-waqoof hui ho , kya koi jannat ek hi hai , jannatein to bahut si hain aur Harisa ”Firdous e A'la“ (jannat ke oonche darje) mein hai .