Hum se Muhammad Bin Abdullah ne bayan kiya, unhon ne kaha hum se Husain Bin Muhammad Abu Ahmad ne bayan kiya, unhon ne kaha hum se Shaiban ne bayan kiya Qatada se, un se Anas Bin Malik ne bayan kiya ke Umm-ur-Rubayye Bint Bara (Radi Allahu Anha) jo Harisah Bin Suraqah (Radi Allahu Anhu) ki walida thiin, Nabi Kareem (Sallallahu Alaihi Wasallam) ki khidmat mein hazir huein aur arz kiya, ae Allah ke Nabi! Harisah ke bare mein bhi Aap mujhe kuch batayein. Harisah (Radi Allahu Anhu) Badr ki larai mein shaheed ho gaye thay, unhein namaloom samt se ek teer aa kar laga tha. Ke agar wo jannat mein hai to sabr kar loon aur agar kahin aur hai to us ke liye roun dhouun. Aap (Sallallahu Alaihi Wasallam) ne farmaya ae Umm-e-Harisah! Jannat ke bahut se darje hain aur tumhare bete ko Firdous-e-Ala mein jagah mili hai
.