Hum se Ali bin Abdullah Madini ne byaan kiya , kaha hum se Ismail bin Ibrahim ne , kaha hum ko Ayub Sakhtiyani ne khabar di , unhein Abdullah bin Abi Mulaykah ne , kaha ke mujh se Ubaydullah bin Abi Maryam ne byaan kiya , un se Uqbah bin Haris razi Allahu anhu ne (Abdullah bin Abi Mulaykah ne) byaan kiya ke main ne yeh hadees khud Uqbah se bhi suni hai lekin mujhe Ubayd ke wasta se suni hui hadees zyada yaad hai . Uqbah bin Haris ne byaan kiya ke main ne ek aurat (Umm Yahya bin Abi Ihab) se nikah kiya . Phir ek kaali aurat aayi aur kehne lagi ke main ne tum donon (miyaan biwi) ko doodh pilaya hai . Main Rasool Allah salla Allahu alaihi wasallam ki khidmat mein hazir hua aur arz kiya ke main ne fulaani bint falan se nikah kiya hai . Is ke baad hamare yahan ek kaali aurat aayi aur mujh se kehne lagi ke main ne tum donon ko doodh pilaya hai , haalan ke woh jhooti hai (Aap salla Allahu alaihi wasallam ko Uqbah ka yeh kehna ke woh jhooti hai nagowar guzra) Aap salla Allahu alaihi wasallam ne is par apna chehra mubarak pher liya . Phir main Aap ke samne aaya aur arz kiya woh aurat jhooti hai . Nabi Karim salla Allahu alaihi wasallam ne farmaya ke is biwi se ab kaise nikah reh sake ga jabke yeh aurat yun kehti hai ke is ne tum donon ko doodh pilaya hai , is aurat ko apne se alag kar do .“ (hadees ke rawi) Ismail bin Aliyyah ne apni shahadat aur beech ki ungli se isharah kar ke bataya ke Ayub ne is tarah isharah kar ke .