Hum se Adam ne bayan kiya, kaha ke hum se Shuba ne bayan kiya, kaha ke hum se Habib Bin Abi Thabit ne bayan kiya, kaha ke mein ne Abu-al-Abbas Makki se suna, wo shayar thay lekin riwayat-e-hadees mein un par kisi qism ka ittiham nahi tha. Unhon ne bayan kiya ke mein ne Abdullah Bin Amr Bin Aas (Radi Allahu Anhuma) se suna, unhon ne kaha ke mujh se Rasul Allah (Sallallahu Alaihi Wasallam) ne farmaya, kya tu mutawatir roze rakhta hai aur raat bhar ibadat karta hai ? Mein ne han mein jawab diya to Aap (Sallallahu Alaihi Wasallam) ne farmaya, agar tu yunhi karta raha to aankhein dhans jayein gi, aur tu be-hadd kamzor ho jaye ga ye koi roza nahi ke koi zindagi bhar (bilanagha har roz) roza rakhe. Teen din ka (har mahina mein) roza poori zindagi ke rozon ke barabar hai. Mein ne is par kaha ke mujhe is se bhi zyada taqat hai. To Aap (Sallallahu Alaihi Wasallam) ne farmaya ke phir Daud (Alaihis Salam) ka roza rakkha kar. Aap ek din roza rakhte thay aur ek din roza chor dete thay aur jab dushman ka samna hota to peeth nahi dikhlaya karte thay
.