Aur sab se pasandida roza Dawood (Alaihis Salam) ka roza hai. Wo (ibtidai) aadhi raat mein soya karte aur ek tihayi raat mein ibadat kiya karte thay. Phir jab raat ka chhatta hissa baqi reh jata to soya karte. Isi tarah ek din roza rakha karte aur ek din baghair roze ke raha karte. Ali (Radi Allahu Anhu) ne kaha ke Aisha (Radi Allahu Anha) ne bhi isi ke mutaliq kaha tha ke jab bhi sehar ke waqt mere yahan Nabi Kareem (Sallallahu Alaihi Wasallam) maujood rahe to soye hue hote thay

Hum se Qutaibah Bin Saeed ne bayan kiya kaha hum se Sufyan Bin Uyainah ne un se Amr Bin Dinar ne un se Amr Bin Aus Saqafi ne unhon ne Abdullah Bin Amr (Radi Allahu Anhuma) se suna unhon ne bayan kiya ke mujh se Rasul Allah (Sallallahu Alaihi Wasallam) ne farmaya tha "Allah Ta'ala ke nazdeek roze ka sab se pasandida tariqa Dawood (Alaihis Salam) ka tariqa tha. Aap ek din roza rakhte aur ek din baghair roze ke rehte thay. Isi tarah Allah Ta'ala ke nazdeek namaz ka sab se zyada pasandida tariqa Dawood (Alaihis Salam) ki namaz ka tariqa tha aap aadhi raat tak sote aur ek tihayi hisse mein ibadat kiya karte thay phir baqiya chhatte hisse mein bhi sote thay."