Hum se Abdullah Bin Yusuf ne bayan kiya, kaha ke hum ko Imam Malik ne khabar di, unhein Nafi ne, unhein Ibn Umar (Radi Allahu Anhuma) ne ke Hafsa (Radi Allahu Anha) ne arz ki Ya Rasul Allah (Sallallahu Alaihi Wasallam) kya wajah hui ke aur log to Umrah kar ke halal ho gaye aur Aap (Sallallahu Alaihi Wasallam) ne Umrah kar liya aur halal na hue? Rasul Allah (Sallallahu Alaihi Wasallam) ne farmaya ke mein ne apne sar ke baal jama liye thay aur qurbani ke gale mein qiladah pehna kar mein (apne sath) laya hoon, is liye jab tak mein nahr na kar loon ga mein ihram nahi kholoon ga
.